Bandièra01 1180x150: Comuna de Tolosa

Actualitats

Norvègia bastirà lo mur del Nòrd

| BIL
Norvègia es a bastir una barrièra d’acièr sus sa luenchenca frontièra amb Russia en Arctic après confirmar que i a agut  una creissença dels migrants qu’intrèron en aquel país l’an passat. Los grops de defensa dels dreches dels migrants an criticat la mesura en tot avisar qu’aquò es un pas de mai devèrs una nòva Guèrra Freja amb Russia.
 
Mas lo govèrn norvegian ja a confirmat que la nòva barrièra, o “mur del Nòrd” aurà un pauc mai de 20 quilomètres de longor e 3,5 mètres e mièg de nautor e que serà bastida per refortir lo passsatge frontalièr d’Storskog e assegurar aital aquel ponch de l’Euròpa del Nòrd dins lo contraròtle dels migrants que vòlon intrar dins l’airal de Schengen.
 
Ça que la, e mai se Norvègia es coneguda per èsser totjorn estada un paradís pels demandaires de refugi e d’asil, ara la construccion d’aquela barrièra vòl empachar los migrants d’intrar per aquel luòc dins l'espaci comun amb l’Union Europèa -Norvègia fa pas partida de l'UE mas de l'airal de Schengen- pr’amor qu’en 2015 mai de 5500 migrants i intrèron per aquí. Amb aquò Norvègia vòl mostrar lo cambiament d’opinion que l'a patit lo país dins los darrièrs tempses a respècte de l’immigracion.
 
D’un autre costat, Suècia a anonciat ongan que tanben refortirà lo contraròtle de las demandas d’asil politic. Aquela accion es estada fòrtament criticada per divèrses grops de defensa dels dreches dels immigrants que dison qu’aquò es solament un resson de la guerra freja que i aguèt amb l’Union Sovietica fins a 1991.
 
 
En ivèrn serà ja bastit
 
Aital, la contruccion d’aquesta barrièra començarà lèu e deurà èsser acabada abans l’ivèrn. Divèrses trabalhs son estats realizats dins l'airal per contrarotlar lo passatge de rangièrs e de cèrvis a travèrs dels bòsques. La decision es estada qualificada pel ministre de la justícia norvegian coma “de mesuras responsablas”. Mas aquò s’es fach pr’amor que Moscòu e Òslo an reconegut que lo transit dels immigrants dins la zòna es ara pus grand qu’abans.
 
En mai d’aquò, degun a pas demandat d’asil politic a travèrs de la frontièra politica de Norvègia en 2015, segon çò que diguèt la Direccion Norvegiana de l'Immigracion. “Ont es lo besonh de bastir una autra barrièra?”, çò demandèt Rune Rafaelsen, cònsol màger de la region de Soer-Varanger qu’inclutz la frontièra amb Russia. “A l’ora d’ara i a tròp de barrièras en Euròpa. Russia ja a una barrièra de mai de 200 quilomètres sus la frontièra amb Norvègia” .
 
Al delà, Rune Rafelsen confirmèt que Norvègia aviá avançat e plan après laissar endarrièr la barrièra que la desseparava de Russia pendent lo temps de la Guèrra Freja. Rafelsen es lo cap del Partit Laborista norvegian, e confirmèt qu’aquò èra un pas endarrièr.
 
“Avèm d’èsser un país ont la gent pòsca cercar refugi, çò diguèt Linn Landro, del Grop de Planvenguda als Refugiats de Norvègia. Bastir una barrièra es un simbòl fòrça negatiu pr’amor qu’es tanben una manièra de dire a Russia que i a pas de fisança amb eles”. Uèi cada an 250 000 personas trespassan aquesta frontièra, una chifra luènh de las 5000 que o fasián pendent la Guèrra Freja.
 
 
 
 
Christian Andreu

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hola
3.

#1 Te calas pas jamai ? repàpia que repapiaràs. Nos fa vergonha, as pas comprés encara ? Sès la onzena plaga d'Egipta e la primièra d'Occitània.

  • 3
  • 1
Martelaire Midgard
2.

"Poirí poirí papidò-dò piu-dò-dò la vaca... mu, la vaca... mu, la vaca... mu, la meteissa vaca" = la meteissa mèrda https://youtu.be/1H9y_qDty-Y

  • 1
  • 1
Lucian de Samosate
1.

per ieu es un pas endavant dins la proteccion de nostra civilizacion menaçada per l'islamofascisme, que li a pas mai d'islamistas moderats que de buerri o de brossa (dau Rove)en branca, fai ,mestier d'un Islam atèu, sensa dieu, ço que significariá la fin o l'edulcoracion (au mode crestian)d'aquesta religion e solets aquelei que son nascuts dedins podon menar a ben aqueu pretzfach e que creguèsson e se multipliquèsson ! remandi ieu, Lucian à mon dialog " Zeus tragédien" pagina 227 de meis obras completas reviradas dau grec ont lo rei dei dieus vou mobilizar totis lei dieus de l'Olimp amb totei lei dieus estrangiers aclimatats dins l'empèri roman per sostenir lo filosof estoïcian Timoclès dins son debat amb l'epicurian Damis, en estent qu'aqueu riscariá de convéncer leis omes que lei dieus de ges de faiçon o de cap de maniera s'interessan a lur vida e que lo mond ei regit per l'azard. mai l'assemblada dei dieus convocada per Zeus servirà pas de ren, serà de badas, Timoclès serà batut e Damis l'epicurian ganharà; vaqui onte son lei racinas greco-latinas de nostra civilizacion. mai l'estoïcian aurà lèu- son revenge, en 392 que totis lei cultas foguèron interdichs dins l'emperi roman e podèm dire qu'aquest cop la dolor e lo patiment qu'agradava tant a Timoclés, lo pios defensor dei dieus, l'emportèron amb lo crestianisme, aquela filosofia de la sofrença tant ben definida e descricha per Nietsche "der Antichrist, Versuch einer Kritik des Christentums" essai d'une critique de la chrétienté e aqui, aurà faugut de sègles per se ne desempecoïr, mai que tanbèn li aviá dedins lo cepon emai lo grèu d'un mond melhor ne parlarem un autre cop coma de la Biblia de Joan Larzac, am'aquo avèm aqui lei racinas greco-latinas e judeo-crestianas de nostra civilizacion

  • 7
  • 15

Escriu un comentari sus aqueste article