Actualitats
Rugbi de XIII. Hull-FC: doas candelas per una Cup
Dissabte, se tenguèt a Wembley l’un dels rendètz-vos bèls de l’annada tretzista: la 119a finala de la Cup
Alan Roch
Cup: E Hull capvirèt la resulta
80 000 espectators s’èran atropelats dins l’estadi londonian. Hull-FC arribava amb 8 desfaitas per 8 participacions a una finala de Cup a Wembley; Warrington demorava sus una tièra de 3 victòrias en 3 finalas jogadas dins l’estadi renovat.
La partida èra plan sarrada, mas lo mesclanha de Warrington Sandow recuperava una palma perduda dins sos vint mètres. 80 mètres mai luènh, l’alièr Russel puntava l’ensag e los Lops menavan 6-0 a la pausa. Portavan l’avantatge a 10-0 tre la represa per un ensag dins lo canton del segonda-linha Currie en posicion d’alièr.
A l’ora de jòc, aprèp una 40-20, lo mesclanha d’Hull, Marc Sneyd, ajustava una passa al pè pel centre Fonua que marcava. Dètz minutas mai tard, novèla candela corta de Sneyd, rebatuda per l’alièr, e ensag de Shaul (72a). Amb las doas transformacions de Sneyd, Hull-FC preniá l’avantage 12-10. E lo gardava, amb, dins la darrièra minuta, un placatge del talonaire Houghton que fasiá sautar la palma de las mans del segonda- linha de Warrington Currie a 5 centimètres de la rega!
Lo pòble blanc e negre podiá sautar de jòia e envisatjar un doblat amb la Superliga a la debuta d’octòbre a Manchester per metre un tèrme a la dominacion tripartita de Leeds, St-Helens e Wigan. Mas aquò es una autra istòria!
Los Dragons reçaupràn los Lops aqueste dissabte a Brutus amb los valids sul terren, un moral macat e Dave Taylor que passa davant la Comission de disciplina dins la setmana amb doas accions mal vengudas.
Tolosa cap al Championship
Amb una victòria bèla (54-18) suls London Skolars a la velha de la finala de la Cup, lo Tolosa Olimpic confirma la tenguda de la partida a l’encòp finala de Liga Una e montada dirècta pel Championship lo dissabte 17 de setembre de vèspre a Blanhac. L’adversari serà Rochdale o Barrow. Aqueste dissabte 3 de setembre, los tolosans jogaràn cò dels Hunlets Hawks.
NRL: cap a las pelhòfas
Aquesta fin de setmana, serà la darrièra jornada de la fasa de classament en Austràlia. Melbourne, las Làmias e Canberra seràn dins lo primièr grop. La quatrena plaça se jogarà entre los Vaquièrs, Brisbane, los Dògols e Penrith. La darrièra plaça serà pels Titans o pels Tigres.
Dimenjada Magica a Perpinhan
La Federacion a balhat lo programa de la Dimenjada Magica de Perpinhan que dobrirà la sason del campionat d’Elèit-1:
Alan Roch
80 000 espectators s’èran atropelats dins l’estadi londonian. Hull-FC arribava amb 8 desfaitas per 8 participacions a una finala de Cup a Wembley; Warrington demorava sus una tièra de 3 victòrias en 3 finalas jogadas dins l’estadi renovat.
La partida èra plan sarrada, mas lo mesclanha de Warrington Sandow recuperava una palma perduda dins sos vint mètres. 80 mètres mai luènh, l’alièr Russel puntava l’ensag e los Lops menavan 6-0 a la pausa. Portavan l’avantatge a 10-0 tre la represa per un ensag dins lo canton del segonda-linha Currie en posicion d’alièr.
A l’ora de jòc, aprèp una 40-20, lo mesclanha d’Hull, Marc Sneyd, ajustava una passa al pè pel centre Fonua que marcava. Dètz minutas mai tard, novèla candela corta de Sneyd, rebatuda per l’alièr, e ensag de Shaul (72a). Amb las doas transformacions de Sneyd, Hull-FC preniá l’avantage 12-10. E lo gardava, amb, dins la darrièra minuta, un placatge del talonaire Houghton que fasiá sautar la palma de las mans del segonda- linha de Warrington Currie a 5 centimètres de la rega!
Lo pòble blanc e negre podiá sautar de jòia e envisatjar un doblat amb la Superliga a la debuta d’octòbre a Manchester per metre un tèrme a la dominacion tripartita de Leeds, St-Helens e Wigan. Mas aquò es una autra istòria!
Los Dragons reçaupràn los Lops aqueste dissabte a Brutus amb los valids sul terren, un moral macat e Dave Taylor que passa davant la Comission de disciplina dins la setmana amb doas accions mal vengudas.
Tolosa cap al Championship
Amb una victòria bèla (54-18) suls London Skolars a la velha de la finala de la Cup, lo Tolosa Olimpic confirma la tenguda de la partida a l’encòp finala de Liga Una e montada dirècta pel Championship lo dissabte 17 de setembre de vèspre a Blanhac. L’adversari serà Rochdale o Barrow. Aqueste dissabte 3 de setembre, los tolosans jogaràn cò dels Hunlets Hawks.
NRL: cap a las pelhòfas
Aquesta fin de setmana, serà la darrièra jornada de la fasa de classament en Austràlia. Melbourne, las Làmias e Canberra seràn dins lo primièr grop. La quatrena plaça se jogarà entre los Vaquièrs, Brisbane, los Dògols e Penrith. La darrièra plaça serà pels Titans o pels Tigres.
Dimenjada Magica a Perpinhan
La Federacion a balhat lo programa de la Dimenjada Magica de Perpinhan que dobrirà la sason del campionat d’Elèit-1:
— dissabte 24 de setembre: Tolosa/St-Gaudenç (14h); Albi-Vilanòva (16h); Lesinhan-Dragonets (18h)
— dimenge 25 de setembre: Palau-Avinhon (14h) e lo revenge de la finala Limós-Carcassona (16h).
— dimenge 25 de setembre: Palau-Avinhon (14h) e lo revenge de la finala Limós-Carcassona (16h).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari