Bandièra01 1180x150: Comuna de Tolosa

Actualitats

Ucraïna a vendut l’avion pus grand del Mond a China

L’entrepresa publica ucraïnesa a vendut a la societat chinesa Aerospace tota la documentacion tecnica sus l’Antonov An-225

E mai se l’avion comercial pus grand del Mond es l’Airbus A380, i a un aparelh pus grand, pensat per transportar de fusadas e de navetas espacialas. Se tracta de l’Antonov An-225, fabricat en Ucraïna. Òr l’entrepresa publica ucraïnesa a vendut a la societat chinesa Aerospace tota la documentacion tecnica sus aquel avion, çò rapòrta Geopolítica.cat que cita la cadena chinesa CCTV.
 
L’“acòrdi de cooperacion” foguèt signat lo 30 d’agost passat a Pequin e supausa lo liurament del fichièr complet amb las especificacions e los plans, e tanben los esquèmas dels motors de l’avion e totes los dreches. Segon la cadena chinesa, amb çò qu’a crompat China, lo primièr Antonov An-225 de fabricacion chinesa serà fach dins la primièra mitat de 2019.
 
Tanben conegut coma Mriia, qu’en ucraïnés vòl dire “sòmi” o “inspiracion”, foguèt concebut dins los darrièrs tempses de l’Union Sovietica coma sistèma aerian de transpòrt del projècte de transbordador espacial sovietic nomenat Buran. L’avion pesa 640 tonas, ne pòt transportar 640 e s’enlairèt per primièr còp en decembre de 1988. Se produguèt solament un aparelh d’aquel tipe d’avion e la basa per bastir un segond aparelh es estada servada fins ara.
 
A l’ora d’ara Ucraïna es un estat en quincanèla que deu vendre tot çò que pòt. L’Antonov An-255 èra, de segur, un de sos tresaurs tecnologics pus presats.


Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Quatre reals per l' Antonov lo pus gran del mond, lo govern de la mafia nazi d'Ucraina s'ho ven tot fins sos calçotes per anar de putas.

  • 0
  • 1

Escriu un comentari sus aqueste article