Actualitats
Instagram: la comunautat francesa vòl contrarotlar l’occitana
@IgersOccitània se creèt en Aran en genièr de 2014 sus Instagram, sus Twitter e sus Facebook e es pas subjècta a las leis francesas
“Igers” es l’abreviacion del mot anglés “instagramers”, una expression populara derivada del nom del ret social Instagram, emplegat per ne definir sos afogats e tanben las comunautats d’utilizaires. La primièra comunautat d’”igers” nasquèt en 2011 e ara n’i a mai de 500 dins tot lo Mond.
Après lo succès de la comunautat aranesa IgersAran, venguèt d’aquel país occitan l’iniciativa de crear la comunautat occitana d’instagramers nomenada IgersOccitània. Atal, en genièr de 2014, se creèt aquela comunautat sus Instagram, sus Twitter e sus Facebook.
Ça que la, lo 7 de setembre passat, la comunautat francesa IgersFrance lor mandèt un messatge en francés que metiá en question lo compte dels instagramers occitans. “La creacion d’un compte e l’utilizacion del logo IGERS (marca depausada) es somesa a validacion pel ret @igersFrance. En consequéncia, mercés de mandar un mail a igersFrance@g... per escambiar sus la creacion de la vòstra comunautat e de ben voler retirar lo lògo del vòstre perfil.”
De lor costat, la còla d’IgersOccitània a dich a Jornalet qu’eles son pas qu’“un grop de difusion dera cultura occitana. Ath delà, Occitània compren regions der estat francés, der italian e tanben era Val d’Aran e, alavetz, IgersFrance non an cap arrason de reclamar cap de validacion, e d’un aute costat en Aran non èm subjèctes as leis franceses. Mès peth moment non les auem pas arresponut.” En mai d’aquò planhon que las comunautas d’instagramers ajan ara “mès tòques comerciaus que non pas culturaus”
Mentretant, la comunautat de Tolosa @IgersToulouse a ja creat @IgersOccitanie, en francés, mas sens gaire d’activitat per ara.
Al nivèl social IgersOccitània capita ben. Los imatges publicats sus Instagram, Twitter e Facebook amb l’etiqueta #igersOccitania son nombroses, e la comunautat es plena de vida.
Tweets by IgersOccitania
Après lo succès de la comunautat aranesa IgersAran, venguèt d’aquel país occitan l’iniciativa de crear la comunautat occitana d’instagramers nomenada IgersOccitània. Atal, en genièr de 2014, se creèt aquela comunautat sus Instagram, sus Twitter e sus Facebook.
Ça que la, lo 7 de setembre passat, la comunautat francesa IgersFrance lor mandèt un messatge en francés que metiá en question lo compte dels instagramers occitans. “La creacion d’un compte e l’utilizacion del logo IGERS (marca depausada) es somesa a validacion pel ret @igersFrance. En consequéncia, mercés de mandar un mail a igersFrance@g... per escambiar sus la creacion de la vòstra comunautat e de ben voler retirar lo lògo del vòstre perfil.”
De lor costat, la còla d’IgersOccitània a dich a Jornalet qu’eles son pas qu’“un grop de difusion dera cultura occitana. Ath delà, Occitània compren regions der estat francés, der italian e tanben era Val d’Aran e, alavetz, IgersFrance non an cap arrason de reclamar cap de validacion, e d’un aute costat en Aran non èm subjèctes as leis franceses. Mès peth moment non les auem pas arresponut.” En mai d’aquò planhon que las comunautas d’instagramers ajan ara “mès tòques comerciaus que non pas culturaus”
Mentretant, la comunautat de Tolosa @IgersToulouse a ja creat @IgersOccitanie, en francés, mas sens gaire d’activitat per ara.
Al nivèl social IgersOccitània capita ben. Los imatges publicats sus Instagram, Twitter e Facebook amb l’etiqueta #igersOccitania son nombroses, e la comunautat es plena de vida.
Tweets by IgersOccitania
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Soi pas sus aquel ret social, mès cossí lor donar nòstre vejaire als tancats del cap ?
Au contrari de « Instagram », n’i a pas cap de marca depausada «Igers». Cadun pòt lo constatar dab ua recerca aquì: https://bases-marques.inpi.fr/Typo3_INPI_Marques/marques_recherche_marques.html . Encuèra ua temptativa de censurar lo hèit occitan sùu lo ret!
Sabiái pas que i aviá un compte instagram comun en òc sus òc. Bona causa !
Aprèp, clarament, IgersOccitània es pas presentat sus la pagina de IgersFrance http://instagramers.com/links/cities/france/
... e qu'es una autra comunautat que la francesa.
Benlèu qu'alara poirián l'anar quèrre aquela clau qu'es al fons de la vinha ... enfin sabètz ben ... :)
vos esparnharai mon comentari, que compreni ren de ren lo fonccionament d'internet, mai, capon de pasdisque; siáu esmeravelhat que se posquèsse far de fotos tan polidas e lei difusar quasiment gratis pro deo, per pati pata pas ren e aquo sota ,la marca de @igersoccitania, encara que capissi pas coma quauqu'un posque èstre afogat o apassionat d'instagram , que lo grame ei la marrida èrba
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari