Bandièra01 1180x150: Comuna de Tolosa

Actualitats

Manifestacion contra la chaça a Limòtges

Los manifestants an tanben denonciat las practicas inicas de tenudas, plan comunas, coma la chaça au vesc

A l’iniciativa dau Collectiu dau 21 de setembre relaiat en Lemosin per lo CLAMA (Collectiu Lemosin d’Accion Militanta per los Animaus), se tenguet dissabde passat, lo 24 de setembre 2016, a Limòtges, entre autres luòcs, una manifestacion de protesta contra la chaça. Una cinquantena de manifestants s’amasset davant la prefectura a 11h dau mandin emb un fum de plancardas e una sonorizacion per los discors. Los responsables associatius prengueren prumier la paraula per denónciar la practica de la chaça e lo sosten, quauques còps, daus poders publics a quela activitat non necessària e crudela.
 
Los responsables fagueren notadament remarcar que fasiá pas mestier la chaça per mai d’una rason:
 
— que si de las gents chaçan auei per chas nos, qu’es p’unpiau per se nurrir,
 
— que se pòt pas parlar de regulacion quand saben que las bèstias tuadas, coma los faisans per exemple, venen plan sovent d’elevatges fachs per los quites chaçaires,
 
— que los predators qu’empeschan la proliferacion de quauquas mai pitas bèstias, los an fach disparéisser los chaçaires,
 
— que maugrat la disparicion daus predators, las associacions de chaçaires contunhan de s’opausar a la preséncia de predators coma los rainards, per exemple, en los classar coma nosibles, prumier perque lor fan concurréncia,
 
— que mai d’una espècia es en dangier per chas nos e que quò tòca pas nonmàs los país per delai las mars,
 
— que lo classament daus animaus coma nosibles repausa sus daus criteris sens objectivitat, mau rensenhats e de las decisions regdas e arbitràrias.
 
Los manifestants an tanben denonciat las practicas inicas de tenudas, plan comunas, notadament en Aquitània-Lemosin coma la chaça au vesc (a la peja) —que s’agís de metre en plaça de la vescha sus las bròchas per empejar los auseus que se pausan dessús que pueschan pas se’n tirar. En mai, Gérard Charollois, jurista e militant ecologista, candidat a la presidenciala, que demòra en Perigòrd, prenguet la paraula per denónciar las relacions treblas que los poders publics (los politics) entretenen daus còps au respiech daus chaçaires coma qu’es lo cas en region Ròse-Aups-Auvernha que L. Wauquiez a decidit d’autrejar una subvencion de 3 milions d’èuros a la federacion regionala daus chaçaires, a pus près çò qu’autregeren a l’ensemble de las associacions environamentalas en 2015.
 
Los manifestants, enquadrats per la polícia, desfialeren per las charrieras de Limòtges en credar daus eslogans coma “Chaçadors, impostors” o ben enguera “Chaça, basta”. Tot se passet ben, emb la benvolença dau monde que visavan que, coma zo faguet remarcar una manifestanta que prenguet la paraula a la fin, la populacion es larjament ostila a la chaça e lo nombre de chaçaires demesís chasca annada maugrat que los lobbies cinegetics demòren plan influents dins lo monde politic. De notar, la preséncia discreta mas reala de manifestants occitanistas dins lo cortegi que fagueren valer la lenga.
 
 
 
 
Joan-Cristòu Dourdet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JC Dourdet
25.

#24 Pertant, Terric, ses pas empaurit per los movaments de defensa de las femnas, daus omo-sexuaus, daus trans, daus negres, daus amerindians... adonc, perqué t'enpaurissen los movaments de defensa de las béstias ? Son pas de dignitat egala aus èssers umans las bèstias ? E a la rigor, si consideras que son pas egalas en dignitat (benleu per de las rasons practicas), an pas au mens drech au respiech de lor vita ?

  • 0
  • 0
Terric Lausa Quilhan
24.

#23
En parlar del quite subjècte, desviatz mon primièr prepaus qu'èra:
s los vegans aiman pas la caça e aiman pas manjar de carn , rai. Aquò's vòstra causida. Mon prepaus es doncas: perqué nos fotètz pas la patz e vos sentissètz obligats regulsrament de nos ostracizar a travèrs de vòstras campanhas culpabilizatrises?

Aqueste intervencionisme de natura totalitari fa paur. O vos disi sincerament

  • 1
  • 0
JC Dourdet
23.

Tant qu'a l'article que citas, lo coneissiá, qu'es ben la pròva que los carnistas començan d'aver paur si lor fai mestier d'aver recors a queu genre d'arguments sofistas per defendre lor bocin de charn. Qu'es desjà estat contradich milantas còps, l'i tòrne pas, un tròba totas las refutacions en cerchar un pauc.

Finalament, qu'es simple : que balha lo drech morau ad un uman (dotar d'una consciéncia morala, zo rapele) de tuar un autre animau qu'a un interès a viure quand fai p'unpiau mestier ?

"De l'animau a l'uman, qu'es pas question d'una diferéncia de natura mas de degrat."
Sabe pus qui a dich aquò mas me sembla juste
E mai trivialament, coma dins Spiderman, un "grand poder implica de las grandas responsabilitats."

  • 0
  • 1
JC Dourdet
22.

#19 A, quand mesma, podiá pas passar a costat (me faretz excusa, ai pas pogut me reténer) :

"Çò que vesi ieu e que confirmatz es l'incapacitat dels activistas vegans a acceptar que i aja de monde indiferents al veganisme e qu'aimairián manjar de carn sens se far ostracizar per vosautres."

Be oei, l'i aviá tanben dau monde qu'aimavan aver daus esclaus sens se far ostracizar per los anti-esclavatgistas.

Anem, siam seriós, los que son ostracizats, qu'es los vegans per aura.

  • 0
  • 1
JC Dourdet
21.

#19 Quò nos entrainariá tròp luenh de préner lo temps de respóner a fons, segur que quò pausa de las questions multiplas lo passatge a una alimentacion vegetala, lo problema, qu'es que fau un fum de linhas argumentadas per contradire daus arguments simplistas repapiats milantas còps que prenen doas linhas. Ai pas lo temps. cf. bingo carnista (n'i a d'autres entau) : http://65.media.tumblr.com/2483d0347b138cca3f23b041be676c40/tumblr_nwh5kwSgTb1rfwuxko1_500.png
Si ses interessat per la question Terric (si qu'es pas mas per me trollar), trobaras plen de responsas sus vegfaq.org e puei sus los Quaserns anti-especistas en linha notadament : http://vegfaq.org/ (l'i 'na bibliografia d'alhors sus queu site e http://www.cahiers-antispecistes.org/le-specisme/

Malurosament, suvent, la gent vòlen mas justifiar lor carnisme en invocar los Inuits o auren quand som a l'evidéncia pas aquí dins la situacion daus Inuits. Après, çò que pense personalament, qu'es que los umans deurián decréisser, recuolar e laissar mai de plaça a las autras espécias (bon, quò damandariá de se tirar de l'antropocentrisme... qu'es pas ganhat), afen, quò regla pas lo problema d'aura per los Inuits mas me faretz excusa, qu'es un problema que me sembla marginau tant qu'au passatge ad una alimentacion vegetala chas nos, quò siriá d'estudiar en darrier, ocupam-nos prumier de çò que se passa aquí ente qu'es aisat de minjar pas de charn. Desolat de pas 'nar pus luenh, escriurai benleu un article un d'aquilhs jorns.

Un darrier chause, per çò que concernís la denticion e lo regime alimentari (una precision : qu'es pas perque som capables de minjar de la charn que som oblijats de ne'n minjar ; l'i a un fum de chausas que podriam minjar e que minjam pas ; omnivòre vòu mas dire que podem minjar de tot, enfin a pauc près) : https://doucefrugalite.files.wordpress.com/2013/01/tableau-comparaison-animaux.png

  • 0
  • 1

Escriu un comentari sus aqueste article