Bandièra01 1180x150: Comuna de Tolosa

Actualitats

Corsega: de milièrs de personas manifèstan per l’amnestia e lo raprochament dels presonièrs politics

La granda mobilizacion populara demòstra que los presonièrs politics fan partida de la solucion politica, segon Simeoni

| Nacions
E mai se los mèdias franceses ne parlan pas gaire, dissabte passat se debanèt en Corsega una manifestacion de las mai nombrosas qu’a vistas l’illa. Mai de 10 000 personas segon Corsica Libera, 5000 segon Corse Matin, se rassemblèron dissabte passat a Aiacciu pel raprochament e per l’amnestia dels presonièrs politics.
 
La manifestacion foguèt “un succès popular”, segon l'Associu Sulidarità, organizaires de la protèsta, que comptavan amb lo sosten d’un centenat d’entitats eissidas de la societat civila, dels sindicats, partits politics, associacions e actors culturals de Corsega e d’endacòm mai.
 
Segon lo president Gilles Simeoni, la manifestacion d’aqueste 24 de setembre passat “demòstra que los presonièrs politics fan partida de la solucion politica d’ensemble per que Corsega s’acamine devèrs un avenir melhor”, çò rapòrta Alta Frequenza.
 
De son costat, Jean-Christophe Angelini, membre de l’executiu e president de l’Agéncia de Desvolopament Economic de Corsega, diguèt que “lo messatge que l’envia Corsega deu èsser entendut per París. Uèi es lo respècte de l’aplicacion de la lei qu’es demandat, e tanben lo respècte de la logica d’amaisament dins la quala Corsega es intrada”.
 
 
Sosten de Sardenha
 
Sardenha a jonch lo sosten internacional que Corsega a ja recebut del Bascoat e de Catalonha. An presentat al Conselh Regional sarde una mocion per que lo govèrn de Sardenha sostenga l’iniciativa del pòble còrs per la concession de l’amnestia dels presonièrs politics e dels suspèctes de faches anteriors al 25 de junh de 2014, data del renonciament oficial del Front de Liberacion de Corsega (FLNC) a la lucha armada, çò rapòrta Buongiorno Alghero.
 
 
 

Manifestation en soutien aux "prisonniers...per corse-matin
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Se 's vol la pats, ha d'abastir tots los sectors, sense escepcions. Los presos tamben,amb admistias e lo que calga.

  • 0
  • 0

Escriu un comentari sus aqueste article