Lo campionat d’Elèit es plan lançat, mas amb lo rescontre internacional d’aqueste dissabte a Avinhon entre França e Anglatèrra se coneisserà l’amplor de l’obrador per aver una formacion tricolòra competitiva alara que la Copa del Monde se tendrà dins un an dins l’emisfèri sud.
Aqueste dissabte 22, lo rendètz-vos d’Avinhon
Al plan internacional, abans lor venguda en Euròpa pel Torneg de las 4 Nacions, Austràlia e Nòva Zelanda se rescontravan a Perth. Los Cangorós ganhan 28-6.
Aqueste dissabte, se jogava lo primièr torn dels torneges europèus de qualificacion per la Copa del Mond. Dins lo grop A, Galas a batut Serbia: 50-0. Dins lo grop B: Russia passa un 40-6 a Espanha. Pel segond torn, aqueste dissabte 22, son al programa Serbia-Itàlia a Belgrad e Espanha-Irlanda a Valéncia.
E dissabte doncas, a Avinhon, se tendrà un doble afrontament amical entre França e Anglatèrra: a 15h30, per las femeninas, e a 18h30, pels seniors.
Los Blaus son en estagi al Barcarés en debuta de setmana, abans de rejónher la ciutat pontificala.
Wayne Bennet, l’entraïnaire dels angleses, a decidit de presentar una formacion amb de jogaires en manca de temps de jòc per aver la causida bèla abans lo primièr rescontre dels 4 Nacions contra los Kiwis, lo dissabte 29.
En fàcia, los 20 participants a l’estagi son de fòrta connotacion Dragons catalans: 12. I cal ajustar los èx-Dragons que jògan a l’estrange: Barthau (Londres), Jullien (Warrington), Simon (Wakefield), Springer (Castleford) e 3 jogaires d’elèit: Bonnet (Lesinhan); Arnaud e Goudemand (Avinhon). Lo pòble tretzista occitan espèra que l’entraïnaire Cologni sauprà bufar vam, inspiracion e solidaritat a la formacion per s’opausar fòrtament als angleses. Una victòria pareis del domeni del sòmi, mas amb la gloriosa incertesa de l’espòrt…
Se la partida serà retransmesa en dirècte sus l’Equipe-21, la Federacion convida totes los sostens dels Blaus a se trapar a l’Estadi d’Avinhon.
Los audencs en fèsta
En campionat, tres bèlas victòrias pels audencs aquesta dimenjada. Dissabte, una esquipa carcassonesa dinamica e inventiva faguèt plegar Palau: 48-6. Dimenge, al tèrme d’una partida un pauc dormilhosa, Limos tenguèt a distància Avinhon sens inspiracion: 40-20 alara qu’al Molin, lo FC-Lesinhan dominava Vilanòva: 44-6. Los Dragonets ganhan contra Albi 44-20 e Sent Gaudenç rempòrta lo dèrbi de Nauta Garona: 31-24 contra los Bròncos de Tolosa, una partida acabada d’un biais un pauc musclat amb 4 cartons jaunes e 2 roges.
Dins lo primièr dèrbi audenc d’Elèit 2, sus l’estadi del club de Cabardés, entre Vilagalhenc-Argon e Ferrals, pas de venceire: egalitat a 16-16.
Alan Roch
Aqueste dissabte 22, lo rendètz-vos d’Avinhon
Al plan internacional, abans lor venguda en Euròpa pel Torneg de las 4 Nacions, Austràlia e Nòva Zelanda se rescontravan a Perth. Los Cangorós ganhan 28-6.
Aqueste dissabte, se jogava lo primièr torn dels torneges europèus de qualificacion per la Copa del Mond. Dins lo grop A, Galas a batut Serbia: 50-0. Dins lo grop B: Russia passa un 40-6 a Espanha. Pel segond torn, aqueste dissabte 22, son al programa Serbia-Itàlia a Belgrad e Espanha-Irlanda a Valéncia.
E dissabte doncas, a Avinhon, se tendrà un doble afrontament amical entre França e Anglatèrra: a 15h30, per las femeninas, e a 18h30, pels seniors.
Los Blaus son en estagi al Barcarés en debuta de setmana, abans de rejónher la ciutat pontificala.
Wayne Bennet, l’entraïnaire dels angleses, a decidit de presentar una formacion amb de jogaires en manca de temps de jòc per aver la causida bèla abans lo primièr rescontre dels 4 Nacions contra los Kiwis, lo dissabte 29.
En fàcia, los 20 participants a l’estagi son de fòrta connotacion Dragons catalans: 12. I cal ajustar los èx-Dragons que jògan a l’estrange: Barthau (Londres), Jullien (Warrington), Simon (Wakefield), Springer (Castleford) e 3 jogaires d’elèit: Bonnet (Lesinhan); Arnaud e Goudemand (Avinhon). Lo pòble tretzista occitan espèra que l’entraïnaire Cologni sauprà bufar vam, inspiracion e solidaritat a la formacion per s’opausar fòrtament als angleses. Una victòria pareis del domeni del sòmi, mas amb la gloriosa incertesa de l’espòrt…
Se la partida serà retransmesa en dirècte sus l’Equipe-21, la Federacion convida totes los sostens dels Blaus a se trapar a l’Estadi d’Avinhon.
Los audencs en fèsta
En campionat, tres bèlas victòrias pels audencs aquesta dimenjada. Dissabte, una esquipa carcassonesa dinamica e inventiva faguèt plegar Palau: 48-6. Dimenge, al tèrme d’una partida un pauc dormilhosa, Limos tenguèt a distància Avinhon sens inspiracion: 40-20 alara qu’al Molin, lo FC-Lesinhan dominava Vilanòva: 44-6. Los Dragonets ganhan contra Albi 44-20 e Sent Gaudenç rempòrta lo dèrbi de Nauta Garona: 31-24 contra los Bròncos de Tolosa, una partida acabada d’un biais un pauc musclat amb 4 cartons jaunes e 2 roges.
Dins lo primièr dèrbi audenc d’Elèit 2, sus l’estadi del club de Cabardés, entre Vilagalhenc-Argon e Ferrals, pas de venceire: egalitat a 16-16.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari