Almens 70 personas mòrtas e sièis centenats de ferits es lo tragic bilanç de l’accident de tren que se passèt dissabte passat en Cameron, segon las darrièras donadas arribadas a la redaccion dissabte de ser, confirmadas pel govèrn del país.
 
Lo tren de passatgièrs fasiá la rota de la capitala Yaoundé fins a Douala, sus la còsta. Desralhèt e se renversèt pauc après d’aver sortit a 11h de dissabte (miègjorn en Occitània) de la gara d’Eséka a 11h del matin (miègjorn en Occitània), aperaquí 120 quilomètres a l’oèst de Yaoundé.
 
“I a agut un fòrt bruch. Quand ai regardat endarrièr, los vagons de darrièr sortissiá de las vias e començavan de virar sus eles meteisses. I aviá fòrça fum”, çò a explicat un jornalista de Reuters que viatjava dins lo tren, près de la locomotiva. Segon aquel jornalista, un emplegat dels servicis ferroviaris apondèt sièis veituras al tren abans partir. Pasmens, las autoritats an pas precisat encara la rason de l’accident.