Actualitats
La CE a presentat lo Còrs Europèu de la Solidaritat
La tòca es que 100 000 joves d’entre 18 e 30 ans fagan de practicas o trabalhen en de projèctes socials e umanitaris
La Comission Europèa a presentat lo Còrs Europèu de la Solidaritat, un programa per promòure la participacion dels joves en de projèctes de caire social e umanitari. Aquela iniciativa permetrà als joves d’entre 18 e 30 ans de participar coma volontaris en divèrses projèctes, principalament dintre l'Union Europèa. La primièra tòca que la CE a anonciada es de mobilizar 100 000 joves volontaris fins en 2020, en prepausant tanben l’opcion d'obténer un emplec dins lo sector.
En fasent partida del Còrs Europèu de Solidaritat, los joves se poiràn engatjar dins una larga tièra d’activitats coma l'educacion, la santat, l'integracion sociala, l'assisténcia al provesiment alimentari, la bastison de lotjaments e de refugis, l'aculhença, lo sosten e l'integracion d’immigrants e de refugiats, la proteccion environamentala o la prevencion de catastròfas naturalas. Lo periòde de realizacion d’aqueles sojorns pòt èsser de 2 a 12 meses. Los joves participaràn a de projèctesbandits per d’ONG, que seràn inscrichas prèviament al registre del Còrs Europèu de la Solidaritat.
La comissària dels afars socials, Marianne Thyssen, remarquèt durant la presentacion del programa que s’agís d’una bona oportunitat per que los joves pòscan “exprimir lor sentiment de solidaritat” a travèrs dels “enjòcs socials” d'ara. Segon Thyssen, aquelas activitats permetràn als joves d’“aquerir una sèria de competéncias” que pòdon èsser “fòrça positivas” per de futuras possibilitats de trabalh. En mai d’aquò, la comissària ajustèt tanben qu'espèran que fins en l’an 2020 “i aurà mai de 100 000 personas inscrichas al còrs”.
L'iniciativa es similara al Còrs Volontari Europèu de l’Ajuda Umanitària, una proposicion qu’aquela meteissa institucion presentèt en 2012, que se centrava, principalament, sus la responsa als besonhs que provenián de fòra l'UE.
Parallèlament, la CE tanben a presentat una seguida de mesuras per melhorar las oportunitats de trabalh dels joves europèus, e tanben un nòu programa de mobilitat apelat “Erasmus Prò”, que permetrà la formacion professionala de longa durada a l’estrange.
En fasent partida del Còrs Europèu de Solidaritat, los joves se poiràn engatjar dins una larga tièra d’activitats coma l'educacion, la santat, l'integracion sociala, l'assisténcia al provesiment alimentari, la bastison de lotjaments e de refugis, l'aculhença, lo sosten e l'integracion d’immigrants e de refugiats, la proteccion environamentala o la prevencion de catastròfas naturalas. Lo periòde de realizacion d’aqueles sojorns pòt èsser de 2 a 12 meses. Los joves participaràn a de projèctesbandits per d’ONG, que seràn inscrichas prèviament al registre del Còrs Europèu de la Solidaritat.
La comissària dels afars socials, Marianne Thyssen, remarquèt durant la presentacion del programa que s’agís d’una bona oportunitat per que los joves pòscan “exprimir lor sentiment de solidaritat” a travèrs dels “enjòcs socials” d'ara. Segon Thyssen, aquelas activitats permetràn als joves d’“aquerir una sèria de competéncias” que pòdon èsser “fòrça positivas” per de futuras possibilitats de trabalh. En mai d’aquò, la comissària ajustèt tanben qu'espèran que fins en l’an 2020 “i aurà mai de 100 000 personas inscrichas al còrs”.
L'iniciativa es similara al Còrs Volontari Europèu de l’Ajuda Umanitària, una proposicion qu’aquela meteissa institucion presentèt en 2012, que se centrava, principalament, sus la responsa als besonhs que provenián de fòra l'UE.
Parallèlament, la CE tanben a presentat una seguida de mesuras per melhorar las oportunitats de trabalh dels joves europèus, e tanben un nòu programa de mobilitat apelat “Erasmus Prò”, que permetrà la formacion professionala de longa durada a l’estrange.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La CE a favor del cors europeu de la Solidaritat per 100.000 joves, per tascas socials e humanitàrias . Mas pequè defensa a los terroristas de l'EI atacant a sirians e russes ? Quan l'EI reivindiquet los atemptats terroristas de París e Niça.
felicitacions al jornalet a'agtuer censurat mon coimentari subre la condemnacion de Peer Wilders per la justicia batava que trobavi mai moderada que le nostra e citavi l'ultra-esquerrista "syndicat de la magistrature" que dins son locau sindicau aviá expausat un "mur des cons" onte li aviá lei fotos d'omes politics subretot de drecha tanben quauqu'un de gaucha e de dos parents que sei filhas èran estadas assassinadas e violadas e que reclamavan un castig consequent per aquelei murtresTota aquelei gents qualificats de tontos, de nescis, de niais : brave lei jutges de nostra republica dei valors ! a raport, lei magistrats olandès son d'anhèus blancs
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari