Actualitats
Turquia: dos centenats de detenguts del principal partit pròcurd
Lo govèrn turc acusa lo Partit Democratic dels Pòbles (HDP), representat al Parlament, d'aver de ligams amb lo Partit dels Trabalhadors de Curdistan (PKK). L'arrestacion se tenguèt a pena un jorn après l’atemptat que daissèt 39 mòrts
L'unitat antiterrorista de la polícia de Turquia a arrestat dos centenats de membres del principal partit pròcurd a Istambol, lo Partit Democratic dels Pòbles (HDP) representat al Parlament. La BBC rapòrta 118 detenguts del temps que l’agéncia Anadolu passèt de ne raportar 20 a 235. Aquela detencion massissa comencèt ièr de matin, a pena un jorn après qu'un doble atemptat aguèt daissat 39 mòrts dins la vila. Mentretant, d’avions militars turcs bombardèron las posicions curdas dins lo nòrd d’Iraq.
Lo govèrn turc acusa l’HDP d'aver de ligams amb lo Partit dels Trabalhadors de Curdistan (en curd: “Partiya Karkerên Kurdistan” PKK), que l’estat turc, los Estats Units e l’Union Europèa lo classa coma organizacion terrorista.
Demest los detenguts se tròba lo cap provincial d’Istambol, Aysel Güzel, e tanben divèrses dirigents del partit al nivèl del districte, segon çò qu’a confirmat als mèdias una font que vòl mantenir l’anonimat.
Las detencions se faguèron ièr diluns de matin, après que dissabte de ser aguèron agut luòc doas explosions a l’entorn del terren de fotbòl de Beşiktaş, en tuant 39 personas e en ne ferissent mai de 150.
Lo grop dels Falcons de la Libertat de Curdistan (TAK, segon sa sigla en curd), qu’es una scission del PKK, a revendicat lo doble atemptat.
Lo govèrn turc acusa l’HDP d'aver de ligams amb lo Partit dels Trabalhadors de Curdistan (en curd: “Partiya Karkerên Kurdistan” PKK), que l’estat turc, los Estats Units e l’Union Europèa lo classa coma organizacion terrorista.
Demest los detenguts se tròba lo cap provincial d’Istambol, Aysel Güzel, e tanben divèrses dirigents del partit al nivèl del districte, segon çò qu’a confirmat als mèdias una font que vòl mantenir l’anonimat.
Las detencions se faguèron ièr diluns de matin, après que dissabte de ser aguèron agut luòc doas explosions a l’entorn del terren de fotbòl de Beşiktaş, en tuant 39 personas e en ne ferissent mai de 150.
Lo grop dels Falcons de la Libertat de Curdistan (TAK, segon sa sigla en curd), qu’es una scission del PKK, a revendicat lo doble atemptat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquest no es el camí, els Drets Humans? Segurament si.
Visc ala Terra...Lliure!
L'Ernest, "El Tàrrega".
Las paraulas humils portan la patz, e las orgulhosas la guerra. Ramon LLull.
Los faits respectuoses, la veritat, lo respecte dels drets humans portan la patz. Los faits violents, los laires, las messorgas, la maldat,.... porta la guerra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari