Èran partits fisançoses per desfisar Wigan, mas foguèron sasits d’entrada: dos ensags pels Warriors en dètz minutas. Los sang e aur dominèron un quart d’ora, mas marquèron pas: decas de man, la videò reborsièra… E Wigan tornèt darrèr la linha blanca dos còps abans la pausa; Anderson aviá redusit un pauqueton la pena catalana: 22-6 (amb la transformacion de Scòtt Dureau).
Lo segond temps foguèt de la meteissa farina: 46-6 al final. Wigan en plaça de causir l’afrontament faguèt córrer la pauma per anar dirèctament en mièja-finala. Pels Dracs, caldrà passar per una victòria contra Leeds divendres al ser a Brutús. E los Rinoceròsses se son tornats faire lo moral en batent aisidament Wakefield: 42-20.
Lo tresen St-Helens anèt ganhar a Warrington 28-6.
Los Lops son en barratge contra Hull FC, venceire d’Huddersfied: 46-10.
La finala de la League One opausarà Sheffield e Featherstone.
Las equipas d’Elita preparavan la Dimenjada Magica: Carcassona anèt batre Palau 32 a 12 e Lesinhan l’emportèt a Baho: 52-16.
Tolosa-Broncòs ganha lo Tornèg Aillères fàcia al Tolosa Olimpic, Lescura e Limós.
Carcassona anóncia las signaturas de Luke Towers (Limós) per remplaçar a la mesclanha Eamon Hillen (operat) e del Kiwi campion del monde Vincent Anderson (lo fraire del Drac).
La Comission de disciplina i es pas anada de man mòrta amb Pià qu’aviá amenaçat de pas jogar la finala de la Copa de França: suspension de sièis ans del president, 10 000 èuros d’esmenda e pas d’inscripcion a la Copa d’ongan.
Aquí d’embrolhas a venir que son pas plan famosas. D’esperar qu’aquesta dimenjada a Lesinhan siague question solament d’espòrt amb dissabte al Molin, a tres oras del vèspre un Limós-Vilanòva per dobrir lo talh de la Dimenjada Magica; puèi, a cinc oras, lo FCLesinhan reçauprà Avinhon.
Dimenge, entre un Montpelhièr-Lescura (13h) e un Tolosa-Dragonets (17h), se jogarà lo revenge de las doas finalas de 2012: Carcassona contra Pià.
De notar que l’AS Carcassona es coma un peis dins l’aiga dins la vida locala: dijòus passat, anèt presentar sos trofèus al sèti de La Dépêche a Tolosa e vistalhar l’estampariá del grop de premsa; divendres e dissabte, lo capitani Saddaoui e l’alièr Francés Teresin montèron sus las plancas al Castèl comtal pe las Jornadas del patrimòni.
Per la recepcion de Montpelhièr, lo 29 de setembre, los convidats d’onor seràn los obrièrs de Pilpà en luta per servar lor trabalh.
Enfins, la municipalitat ven d’anonciar que la senhaletica de l’estadi Domèc renovat seriá bilenga francés-occitan. Rendètz-vos lèu a la tribuna “Ciutat medievala“, a la tribuna “Canal de Riquet“ o dins la virada de la Montanha Negra o la dels Pirenèus!
Alan Roch
Lo segond temps foguèt de la meteissa farina: 46-6 al final. Wigan en plaça de causir l’afrontament faguèt córrer la pauma per anar dirèctament en mièja-finala. Pels Dracs, caldrà passar per una victòria contra Leeds divendres al ser a Brutús. E los Rinoceròsses se son tornats faire lo moral en batent aisidament Wakefield: 42-20.
Lo tresen St-Helens anèt ganhar a Warrington 28-6.
Los Lops son en barratge contra Hull FC, venceire d’Huddersfied: 46-10.
La finala de la League One opausarà Sheffield e Featherstone.
Las equipas d’Elita preparavan la Dimenjada Magica: Carcassona anèt batre Palau 32 a 12 e Lesinhan l’emportèt a Baho: 52-16.
Tolosa-Broncòs ganha lo Tornèg Aillères fàcia al Tolosa Olimpic, Lescura e Limós.
Carcassona anóncia las signaturas de Luke Towers (Limós) per remplaçar a la mesclanha Eamon Hillen (operat) e del Kiwi campion del monde Vincent Anderson (lo fraire del Drac).
La Comission de disciplina i es pas anada de man mòrta amb Pià qu’aviá amenaçat de pas jogar la finala de la Copa de França: suspension de sièis ans del president, 10 000 èuros d’esmenda e pas d’inscripcion a la Copa d’ongan.
Aquí d’embrolhas a venir que son pas plan famosas. D’esperar qu’aquesta dimenjada a Lesinhan siague question solament d’espòrt amb dissabte al Molin, a tres oras del vèspre un Limós-Vilanòva per dobrir lo talh de la Dimenjada Magica; puèi, a cinc oras, lo FCLesinhan reçauprà Avinhon.
Dimenge, entre un Montpelhièr-Lescura (13h) e un Tolosa-Dragonets (17h), se jogarà lo revenge de las doas finalas de 2012: Carcassona contra Pià.
De notar que l’AS Carcassona es coma un peis dins l’aiga dins la vida locala: dijòus passat, anèt presentar sos trofèus al sèti de La Dépêche a Tolosa e vistalhar l’estampariá del grop de premsa; divendres e dissabte, lo capitani Saddaoui e l’alièr Francés Teresin montèron sus las plancas al Castèl comtal pe las Jornadas del patrimòni.
Per la recepcion de Montpelhièr, lo 29 de setembre, los convidats d’onor seràn los obrièrs de Pilpà en luta per servar lor trabalh.
Enfins, la municipalitat ven d’anonciar que la senhaletica de l’estadi Domèc renovat seriá bilenga francés-occitan. Rendètz-vos lèu a la tribuna “Ciutat medievala“, a la tribuna “Canal de Riquet“ o dins la virada de la Montanha Negra o la dels Pirenèus!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari