Actualitats
Es mòrta l’actritz francesa Claude Gensac
E mai se joguèt dins mai d’un centenat de filmes, Gensac es mai que mai coneguda per aver interpretat lo ròtle de l’esposa del sergent Ludovic Cruchot, interpretat per de Funès
L’actritz francesa Claude Gensac, que joguèt dins mai d’un centenat de filmes, moriguèt dins la nuèch de diluns a dimars a 89 ans, çò anoncièt son filh a l’AFP.
Gensac èra fa gaire a l’aficha d’Elle s’en va d’Emmanuelle Bercot (2013), amb Catherine Deneuve, e de Lulu femme nue de Solveig Anspach (2013), e tanben de Baden Baden de Rachel Lang en 2016.
“Ma biche”
Ça que la, Claude Gensac èra mai que mai coneguda per donar la replica a Louis de Funès dins la sèria dels Gendarmas. Dins un d’aqueles filmes, lo sergent Ludovic Cruchot, interpretat per de Funès, l’apèla “ma biche” (ma cèrvia), çò que li peguèt talament a la pèl que publiquèt en 2005 una autobiografia entitolada Ma biche... c’est vite dit ! (Ma cèrvia, aquò es lèu dich!)
“L’eternala «ma biche», esposa a l’ecran d’un Louis de Funès que trobarem sempre de manca, es tanben l’actriz de mai d’un centenat de filmes per lo grand e lo petit ecran, e tanben una granda comediana sus las planchas”, çò diguèt l’èx-ministre de la cultura Frédéric Mitterrand en la fasent oficièr de las arts e de las letras en 2012.
Gensac èra fa gaire a l’aficha d’Elle s’en va d’Emmanuelle Bercot (2013), amb Catherine Deneuve, e de Lulu femme nue de Solveig Anspach (2013), e tanben de Baden Baden de Rachel Lang en 2016.
“Ma biche”
Ça que la, Claude Gensac èra mai que mai coneguda per donar la replica a Louis de Funès dins la sèria dels Gendarmas. Dins un d’aqueles filmes, lo sergent Ludovic Cruchot, interpretat per de Funès, l’apèla “ma biche” (ma cèrvia), çò que li peguèt talament a la pèl que publiquèt en 2005 una autobiografia entitolada Ma biche... c’est vite dit ! (Ma cèrvia, aquò es lèu dich!)
“L’eternala «ma biche», esposa a l’ecran d’un Louis de Funès que trobarem sempre de manca, es tanben l’actriz de mai d’un centenat de filmes per lo grand e lo petit ecran, e tanben una granda comediana sus las planchas”, çò diguèt l’èx-ministre de la cultura Frédéric Mitterrand en la fasent oficièr de las arts e de las letras en 2012.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste linatge Gensac sembla que ven d'un toponim occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari