Actualitats
Aragon: la demanda de l’aragonés e del catalan dins las escòlas a despassat las previsions
Ongan 615 escolans estúdian l’aragonés, çò es un 5% mai qu’arunan
La demanda d’activitats en aragonés e en catalan dins las escòlas e licèus d’Aragon a despassat las previsions del govèrn regional, çò rapòrta Público. E ara, lo govèrn daissarà sens atribucion 161 sollicitacions sul total de 251, per manca de budget. Los partits aragonesistas, coma Puyalón, reclaman mai d’argent pels programas de promocion d’aquelas doas lengas.
La nauta demanda de las activitats en aquelas doas lengas coïncidís amb un aument de l’interès dels escolans per las estudiar. Segon Público, que mençona de fonts de l’administration regionala d’educacion d’Aragon, ongan 615 escolans estúdian l’aragonés, çò es un 5% mai qu’arunan. Los qu’aprenon lo catalan son 3400. Aquelas lengas, ensenhadas d’un biais facultatiu, poirián venir ongan de lengas veïcularas de l’educacion pels qu’o sollicitarián.
A l’ora d’ara l’espanhòl es la lenga majoritària del territòri aragonés, amb de caracteristicas pròprias plan marcadas a causa d’un fòrt substrat aragonés. Dins las regions frontalièras amb los Païses Catalans se parla majoritàriament lo catalan e dins lo nòrd del país se manten totjorn l’aragonés, e mai s’es dins una situacion mai perilhosa que lo nòstre occitan.
Domergue Sumien: L’aragonés, una autra lenga sòrre (Jornalet 6.8.2012)
La nauta demanda de las activitats en aquelas doas lengas coïncidís amb un aument de l’interès dels escolans per las estudiar. Segon Público, que mençona de fonts de l’administration regionala d’educacion d’Aragon, ongan 615 escolans estúdian l’aragonés, çò es un 5% mai qu’arunan. Los qu’aprenon lo catalan son 3400. Aquelas lengas, ensenhadas d’un biais facultatiu, poirián venir ongan de lengas veïcularas de l’educacion pels qu’o sollicitarián.
A l’ora d’ara l’espanhòl es la lenga majoritària del territòri aragonés, amb de caracteristicas pròprias plan marcadas a causa d’un fòrt substrat aragonés. Dins las regions frontalièras amb los Païses Catalans se parla majoritàriament lo catalan e dins lo nòrd del país se manten totjorn l’aragonés, e mai s’es dins una situacion mai perilhosa que lo nòstre occitan.
Domergue Sumien: L’aragonés, una autra lenga sòrre (Jornalet 6.8.2012)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per aver encontrat dins Tolosa un locutor de la fabla aragonesa, pòdi assegurar aicí tot occitanista qu'es, a la practica conversacionala ordinària, una lenga a pauc près tan vesina de l'occitan coma lo catalan. Aqueste locutor e ieu, escambièrem pendent mai de mièja ora sens cap dificultat. E jamai non ai aprés lo castelhan.
E òc! Ieu qu'aviái començat d’aprene lo LAPAO ara me cal metre al catalan tornar. Ai, mare meua!
Brava gent . Urra!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari