Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasNarbonés

Narbona: l’ensenhament de l’occitan perilha al Collègi Cité

Las autoritats educativas vòlon suprimir doas classas per la rintrada 2017-2018. Una peticion en linha es lançada sus Change.org

L’ensenhament de l’occitan al Collègi Cité de Narbona perilha. Dempuèi tres ans, lo centre prepausa una sèria de corses “occitan bilingüe” amb tres oras tre la 6a e doas oras pels autres nivèls. Mas, per l’an que ven, l’establiment prepausa de suprimir una ora en 6a, benlèu una autra en 5a e d’agropar las 4a e 3a, çò que poiriá far quatre oras d’occitan en mens per setmana.
 
E mai s’es la lenga del país e  que los escolans ajan drech de ne recebre l’ensenhament, aquel cursus d’occitan assegura la lenga als calandrons de Narbonés. L’an que ven,  i aurà almens 18 calandrons en 6a, sonque per una de las Calandretas de l’encontrada.
 
Per aquela rason, e sustot perque aquela decision administrativa constituiriá una “incomprensibla regression dins lors condicions d’aprendissatge”, de personals del collègi, de parents d’escolans e de ciutadans an lançat una peticion en linha sus Change.org. Demandan lo mantenement d’un collègi a 17 classas l‘an que ven, “dins l’interès dels enfants”. 

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
3.

Veni de signar la peticion.

  • 0
  • 0
Jòrdi St Andrieu de Ròcalonga
2.

Vergonha !

  • 1
  • 0
francesc palma
1.

Narbona pot. Lo punt mai proper a Catalunya ont los contactes entre la gent de las duas nacions son mai nombrosas

  • 2
  • 0

Escriu un comentari sus aqueste article