Bandièra01 1180x150: Comuna de Tolosa

Actualitats

Lo 76% de la populacion mondiala es subregrassa

| Tony Alter
Es la conclusion d’un estudi scientific fach per de cercaires universitaris de Nòva Zelanda e d’Austràlia. Aquò seriá una chifra de prèp de 5,5 miliards de personas sus tota la planeta. De mai, entre un 14% e un 28%, çò es mai de 2000 milions de personas, serián consideradas coma grassas e solament un 10% de la populacion mondiala –prèp de 750 milions– poirián èsser consideradas coma primas.

L’estudi s’es basat sus d’estatisticas de l’an 2014, e las personas subregrassas tanben comprenon las gents que fan d’espòrts. La còla scientifica es estada dirigida per Philip Maffetone del MAFF Fitness PTY Ltd en Sidney, Austràlia, e la conclusion es estada facha publica pr’amor que la còla a volgut provocar d’inquietud dins la populacion mondiala.

L’esfòrç es estat fach per soslinhar la categoria de las personas subregrassas –overfat en anglés– en tot confirmar que son d’individús qu’an un excès de grais corporal que pòt afectar lor santat. L’article vent d’èsser publicat dins lo periodic Frontiers in Public Health.
 

De nòvas donadas inquietantas

Segon las nòvas donadas qu’an permés d’arribar a aquesta conclusion i a fòrça gents sus la planeta que, sens èsser consideradas uèi lo jorn coma subregrassas, o poirián èsser lèu pr’amor que lor pes fa de temps qu’a quitat d’èsser normal. “Pel primièr còp dins l’istòria de l’umanitat, lo nombre de personas subregrassas es superior al nombre de personas primas –çò diguèt Maffetone–. Aquò poiriá provocar un problèma mondial encara mai grand, çò es una pandemia planetària de personas subregrassas restacada amb de problèmas metabolics a respècte d’un excès de pes en relacion a la massa corporala de l’umanitat”.

Totun, l’estudi reconeis que fòrça individús que son estats classats coma subregrasses an pas d’èsser obligatòriament de personas grassas o obèsas. Lo classament scientific es estat realizat sus la basa de l’indici de massa corporal, segon la classificacion medicala actuala de persona grassa o subregrassa.

“E aqueste estudi poiriá èsser solament la poncha de l’icebèrg per rapòrt a la populacion grassa que i a uèi lo jorn dins lo Mond —çò volguèt soslinhar Maffetone—. Avèm volgut avertir la populacion mondiala dels risques qu’aquesta situacion pòt menar. E sabèm, totun, que las definicions de gras e subregras son relativas”.

La còla scientifica qu’a efectuat l’estudi a volgut tanben far mai comunas las definicions d’aquela mena, pr’amor que pensan qu’aquò poiriá melhorar la santat mondiala. E pr’aquò an confirmat que solament entre un 9% e un 10% de la populacion de la planeta es prima. (Legissètz la seguida)
 
 

 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jess
5.

#4 Se pòt pas negar que i a un desvolopament de las malautias ligadas a la "malbouffe". Evocatz las gents que son pas "grassas" dins nòstras societats, e per o dire plan, son pas la meteissas qu'aquelas que sofrisson de "denutricion", se cal gardar de las eqüacions que degun pausa pas del genre "los que coneisson la talent"="melhora santat", degun ditz pas aquò.

#2 Si ben, dins los païses favorizats, i a de personas de la pèl negra e autras gents de classas desfavorizadas que son obesas, quand las gents son pauras, crompan de bostifalha bon mercat industriala pauc equilibrada, parli pas d'aquelas que son a la carrièra e qu'an pas res per viure.

  • 4
  • 0
Guilhèm Thomas Tolosa
4.

Hum... Benlèu que cal far atencion amb aquelas chifrassas sus l'obesitat. S'es dejà demostrat mantun còp cossí los organismes de santat e laboratòris jogavan amb los barèmas per considerar qui es "gras"/obèsa de qui l'es pas.

Crèsi qu'aquesta estudi es puslèu una temptativa de tornar activa una controvèrsa e una atencion scientifica a l'entorn de l'obesitat puslèu que de far un tablèu oneste e rasonable.

Aquò balha fòrça aqueste sentit absurde que dins lo monde, la personas que manjarián a lor fam, serián en obesitat/marrida santat, e la que coneisserián la talent e la fami serián alara sens dangièrs.

Sus aquel sicut conselhi fòrça aquesta lectura https://www.puf.com/content/Sociologie_de_lob%C3%A9sit%C3%A9

  • 2
  • 0
francesc palma
3.

Ho cresi pas, he vist paucs negres grasses.

  • 2
  • 0
Jess
2.

#1 L'estat mejan de santat es a regressar dins los païses favorizats mai que mai en çò dels mai paures pr'amor de la malbostifalha amb las malautias qu'i son ligadas.

  • 3
  • 0
reaccionari que se pot pas mai
1.

Marie, pleine de surgrâce, priez pour nous, ei ço que siáu tentat de dire quand legissi lo mot subre-gras, o ben personas subre-grassas, traduccion mecanica de l'anglès, me sembla qu'amb trop gras n'i a pron e segonda remarca la fonfoni dei politics, la grossa pauretat, lo lindau de pauretat, lo terç mond que more de la fam e patin e cofin, aquo dèu èstre moderat e subretot auriam de reabilitar tant siá pauc nostra civilizacion capitalista, neocolonialista, facistoïda, consumista "la male bouffe" qu'a pasmens arrancat lei faminas dau mond, la prova ? aquela estastistica
signat : un que vodriá far partida dei_ 8 o 9 % dei personas primas de l'umanitat

  • 3
  • 11

Escriu un comentari sus aqueste article