Bandièra01 1180x150: Comuna de Tolosa

Actualitats

Macron s’impausariá sus Le Pen al segon torn segon los sondatges

Lo sondatge se faguèt entre lo 7 e l’8 de febrièr, après la conferéncia de premsa que la faguèt Fillon sus la polemica de l’emplec fictiu de sa femna e sos enfants

| OFFICIAL LEWEB PHOTOS
Lo candidat de la plataforma independenta En Marcha, Emmanuel Macron, ganhariá l’eleccion presidenciala francesa al segond torn, amb un 63% dels vòtes davant lo 37% que l'obtendriá la candidata del Front Nacional, Marine Le Pen, segon un sondatge que lo publiquèt ièr dijòus la cadena de television BFMTV e lo jornal L’Express.
 
Lo sondatge met en evidéncia que Le Pen seriá la mai votada al primièr torn de l'eleccion presidenciala, amb lo 25,5%, del temps que l’èx-ministre de l’economia atenheriá entre lo 22% e lo 23,5% de las bilhetas.
 
Lo candidat dels Republicans a la presidéncia, François Fillon, se plaçariá en tresena posicion, amb del 17% al 18% per cent dels vòtes, lo socialista Benoît Hamon auriá entre lo 15% e lo 15,5% e lo candidat de La França Insomesa, Jean-Luc Mélenchon, demorariá entre lo 12% e lo 13% dels sostens.
 
Al segond torn de la presidenciala, segon aquel sondatge, Macron s’impausariá sus Le Pen amb lo 63% dels vòtes davant lo 37% de la candidata ultradrechista. Se Fillon arribèsse al segond torn, s'impausariá tanben sus la candidata del Front Nacional amb lo 56% dels vòtes davant lo 44% qu'atenheriá ela.
 
Lo sondatge se faguèt entre lo 7 e l’8 de febrièr, après la conferéncia de premsa que Fillon i parlèt sus la polemica per aver engatjat coma assistents parlamentaris sa femna e sos dos enfants. Lo sondatge se basa sus d’entrevistas de 961 personas inscrichas sus las listas electoralas.
 
Una autra enquista d'opinion, elaborada per Ifop-Fiducial e publicada dimècres passat, soslinha que Fillon perdriá tres ponches de sosten electoral, e demorariá al 18% dels vòtes, e doncas lo primièr torn lo ganhariá Le Pen amb lo 26% de las bilhetas (un 2 per cent de mai) e Macron demorariá segond, amb lo 21%.
 
Lo tresen sondatge conegut, que l'a fach Harris Interactive per France Télévisions, situa tanben Le Pen e Macron coma los dos candidats pus votats al primièr torn de la presidenciala, amb lo 24 e lo 21 per cent dels sostens, respectivament, e amb Fillon situat en tresena plaça, amb un 19,5 per cent, çò rapòrta Le Figaro.


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jp la rapieta
4.

#1

Coma los v’autres de la granda vibracion intergalactica, ‘natz vos sauvar lu cuòu pausat dins ‘na selha d’aiga salada !

  • 2
  • 0
Lafontan
3.

Nos en fotèm que serà mesme pas al second torn ! A totjorn pas presentat son programme e quora o farà, serà mort perqué es un grand aparaire del liberalisme e se veirà. Sens comptar sas caçairòlas !

  • 5
  • 1
Ernèst Guevara Jr.
2.

A, òc ? Independenta,la plataforma En Marcha, de l'Emmanuel Macron ? E, avètz la tièra exacta dels donators generoses que finançan plan costosament sa campanha electorala ? Cresi que sus aqueste punt precís, sèm pas completament d'acòrdid sus çò que se deu entendre per l'adjectiu "independent"…

  • 11
  • 1
Lachaud
1.

Quò es plan de parlar daus résultats de sondages electoraus coma l'òm parla d'un matche de rugby a venir. Qui vai ganhar?
Mas, la Batalha se passa dins l'eschina daus espectators. D'un costat los medias que se disan d'informacions (radio e teles) mas que son en realitat daus medias de propaganda. Fan la propaganda de l'oligarchia que los paian. Volan una ideologia unica : libres-echangistes e mondialistes en economia, Son per l'imigracion (que permet lo developament de l'islam), son contre lo contròle a las frontieras.
Utilisan totas las tecnicas de propaganda : ocultar o minorar un evenament que los derangan, scenarisar los autres. I a las images que montran e las autras que catan; Angelisan aqueus que pensan coma l'oligarchia e diabolisan los autres. Tot es fach per s'alinhar sur la "bien pensante" qu'un filòsofe a dich que fasia naisser la crétinisacion.
Coma en America la batalha elctorala se fara emben Internet e los reseaus sociaus. Malorasadament i a pas d'alternativa per l'esquerra qu'a pas saugut se desfar de l'oligarchia e quò profita a Marina Le Pen. Parlan pas daus occitanistes que son plan lonh de tot aquò

  • 8
  • 3

Escriu un comentari sus aqueste article