Detenguèron divendres passat lo pòpa responsable de l’administracion de la Glèisa ortodòxa georgiana, suspècte d’ensajar d’empoisonar lo patriarca Elias IId, cap de la glèisa georgiana. Atal o a raportat lo responsable del servici de proteccion dels nauts responsables de Georgia en Alemanha, ont lo patriarca se sometiá a una operacion de la vesicula. Lo detengut es un prèire rus de rite grèc.
 
Segon lo responsable de la seguretat d’Elias IId, lo pòpa Georgi Mamaladze l’arrestèron a l’aeropòrt de Tbilissi quand èra a mand de prene un avion per vesitar lo patriarca en Alemanha. Lo responsable de la seguretat l’acusa de voler empoisonar lo cap de la glèisa georgiana, çò confirmèt lo ministèri public del país.
 
Elias IId foguèt intronizat en 1977 e, segon totes los sondatges, es la personalitat pus prestigiosa del país.