Bandièra01 1180x150: Comuna de Tolosa

Actualitats

Entre 17 e 20 milions de musulmans manifestèron contra l’Estat Islamic en Iraq e se’n parlèt pas gaire

Los 26 e 27 de novembre passats, faguèron una marcha a Karbala per onorar un martir shiita del sègle VI en tot revendicar la resisténcia e la protèsta contra los terroristas de l’autoproclamat Estat Islamic

Entre 17 e 20 milions de musulmans marchèron contra l’autoproclamat Estat Islamic los 26 e 27 de novembre passats
Entre 17 e 20 milions de musulmans marchèron contra l’autoproclamat Estat Islamic los 26 e 27 de novembre passats
Se’n parlèt pas gaire suls mèdias, e la redaccion de Jornalet venèm d’o aprene tard. Entre 17 e 20 milions de musulmans marchèron contra l’autoproclamat Estat Islamic los 26 e 27 de novembre passats dins l’encastre d’una de las marchas organizadas pus grandas de l’istòria del Mond, çò raportèt The Independent.
 
Èran qualques desenats de milions de musulams shiitas, dont d’òmes, de femnas, de vièlhs e d’enfants, que marchèron devèrs Karbala (Iraq) a l’escasença de la fèsta de la fin de dòl de 40 jorns après la commemoracion de la mòrt d’Al Husayn ibn Ali ibn Abi Talib, felen del profèta Maomet. La molonada volguèt desfisar l’organizacion jihadista en rendre omenatge a Al Husayn, que foguèt precisament assassinat al sègle VII car refusèt de jurar leialtat al Califat Omeia, que promoviá la meteissa sòrta de wahhabisme que presica l’autoproclamat Estat Islamic e qu’actualament es finançat mai que mai pels estats de l’Arabia Saudita e de Qatar.
 
A causa del parallelisme istoric dins la region, s’organizèt la marcha amb l’intencion d’onorar lo martir shiita e de revendicar la resisténcia e la protèsta contra los terroristas de l’autoproclamat Estat Islamic.
 
D’ajustar qu’una setmana abans aquela manifestacion massissa, un assalhidor kamikaze de l’EI provoquèt un masèl près de Karbala.
 
Segon qualques estimacions, l’autoproclamat Estat Islamic es compausat d’aperaquí 100 000 personas, un nombre insignificant se comparam amb los centenats de milions de personas de tradicion o fe musulmanas que son pas de terroristas.

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

Brutal! Mes clar l'aigua, no els volen, i ho diuen sense por, EI no te suport, ni simpaties, nomes un rebuig general, si tenen el que tenen e per la por, i el terror que fan, que s'envegin o desapereixin.
Visca la Terra...Lliure!
L'Ernest, "El Tàrrega".

  • 0
  • 0
francesc palma
4.

L'UE s'enfot de las guerras que l'imperi fa a l'Irac . E la premsa de l'imperi,encara que sien 17 o 20 milions de musulmans ni en parla. Per eles son tots de l'EI.

  • 2
  • 0
Batko
3.

#1 Per parlar de "pretendudas" violéncias policièras, cau víver sus una auta planeta. Cau pas demorar dens un guètto, cau pas estar negre de pèth, cau pas participar a manifestacions contra la lei trabalh tampauc.
Soi pas negre de pèth mes èi viscut dens un barri d'immigracion e èi participat a manifestacions recentament. Vos pòdi díser qu'uns policièrs (pas totis, solide, mes pòdi pas parlar totun de "minoritat") mancan seriosament de qualitats de "guardians de la patz" e son meslèu provocators de violéncias, a còps sens rason. Manca de formacion ? Benlèu.
Quan un policièr vos aurà miaçat per son arma lavetz qu'atz pas ren hèit de mau, ne poderatz parlar. Aquò m'es arribat e lo mot "pretendudas" es benlèu un pauc tròp

  • 5
  • 1
Ali Verd Bram
2.

#1 Dins lo meteis temps qu'unes de « nostres "joines" atacan la polícia », quant n'i a que non l'atacan pas ? Basta qualques parelhs de mariòls que rambalhan per que i aja rambalh. E lèumens non se pòt ni pensar ni mens encara pretendre que totes sèm de mariòls que rambalhan !!!

  • 10
  • 2
lo menschevik georgian
1.

se compren que lei chiïts d'Iraq que son majoritaris aguèsson manifestat contra seis enemics sunitas qu'organizan de-longa d'atentats-suicidas o non,e se li aguèsse pas tocant l'Iraq una dictatura chiïta religiosa amb seis ayatollahs, podriam s'imaginar ,qu'èran de braves democratas que desfilavan, mai tant fanatics leis uns coma leis autres , s'avèm de chausir, auriam de preferir lei protestants de Bafomet -e tanbèn Bachar-el-Assad an aquelei salafistas sunitas que cometon d'atentats ne vos ne vaqui dins lo mond entier e que son moguts per una ideologia de conquista allah akbar, crits que s'entende pereu quand nostre "joines" atacan la policia per protestar contra lei pretendudas "violéncias policieras" e, se de fes que i a, n'i a una de vertadiera, podetz me creire qu'es durament reprimida per la policia dei policias

  • 3
  • 20

Escriu un comentari sus aqueste article