Actualitats
Un raportaire especial de l’ÒNU dels dreches umans manifèsta sa preocupacion a Espanha per la guèrra bruta contra Catalonha
A mandat una letra a l’ambaissada espanhòla a Genèva e al burèu permanent d’Espanha a l’ÒNU en remembrant l’importància de permetre la liura determinacion dels pòbles per evitar de conflictes
Un raportaire especial de l’ÒNU dels dreches umans mandèt lo 30 de genièr passat una letra a l’ambaissada espanhòla a Genèva e al burèu permanent d’Espanha a l’ÒNU, en exprimissent son chepic a prepaus de la persecucion judiciària dels elegits catalans per aver organizat un vòte lo 9 de novembre de 2014. La letra es signada per Alfred Maurice de Zayas, expèrt independent del Naut Comissariat de l’ÒNU pels Dreches Umans “sus la promocion d’un òrdre internacional democratic e equitable”. Dins la letra, De Zayas remembra a las autoritats espanhòlas l’importància de permetre la liura determinacion dels pòbles per evitar de conflictes.
Lo raportaire mençona un rapòrt sieu de 2014 sus la liura determinacion dels pòbles presentat a l’Assemblada Generala de l’ÒNU, ont se ditz a las autoritats espanhòlas que “lo referendum, coma los menats a tèrme en Quebèc e en Escòcia, es un metòde fisable per sondar l’opinion publicar e evitar un consentiment artificial per garentir l’autenticitat de l’expression de la volontat politica dins un entorn sens menaças ni usatge de la fòrça”.
Dins la letra qu’a mandada adès, De Zayas ditz que vòl “exprimir [sa] preocupacion per qualques informacions que [li] arriban totjorn sus una campanha de difamacion nomenada «operacion Catalonha» contra de caps politics catalans, que se ten a l’ora d’ara amb la tòca de frenar lo procès independentista catalan”.
Compren plan que lo vòte del 9 de novembre de 2014 foguèt declarat illegal per las autoritats d’Espanha, mas se declara “preocupat que contunhen los jutjaments contra d’ancians dirigents politics qu’organizèron lo referendum”.
En mai d’aquò, remembra que “mai d’un conflicte armat dempuèi 1945 es restacat a la negacion de la liura determinacion”, e qu’es aital qu’el n’avertiguèt l’Assemblada Generala dins son rapòrt ont “[soslinhèt] que la realizacion de la liura determinacion, que siá intèrna o extèrna, es una estrategia importanta per la prevencion dels conflictes”.
Lo raportaire ditz tanben al còrs diplomatic espanhòl que “la liura determinacion es particularament importanta perque permet als individús e als pòbles de gaudir de cadun dels dreches umans contenguts pels tractats internacionals”. E apond que sostendrà “totes los esfòrces de la part de las autoritats estatalas per intrar en dialòg amb los qu'aspiran a la liura determinacion, e per garantir lo gaudiment dels dreches umans en Catalonha en particular e en Espanha en general”.
Se mòstra preocupat “pel clima politic en Espanha”, e se met a la disposicion de las autoritats espanhòlas per discutir de “la situacion actuala dins lo contèxt de las obligacions d’Espanha en vertut del drech internacional dels dreches umans”.
Podètz legir la letra sus aqueste ligam.
Lo raportaire mençona un rapòrt sieu de 2014 sus la liura determinacion dels pòbles presentat a l’Assemblada Generala de l’ÒNU, ont se ditz a las autoritats espanhòlas que “lo referendum, coma los menats a tèrme en Quebèc e en Escòcia, es un metòde fisable per sondar l’opinion publicar e evitar un consentiment artificial per garentir l’autenticitat de l’expression de la volontat politica dins un entorn sens menaças ni usatge de la fòrça”.
Dins la letra qu’a mandada adès, De Zayas ditz que vòl “exprimir [sa] preocupacion per qualques informacions que [li] arriban totjorn sus una campanha de difamacion nomenada «operacion Catalonha» contra de caps politics catalans, que se ten a l’ora d’ara amb la tòca de frenar lo procès independentista catalan”.
Compren plan que lo vòte del 9 de novembre de 2014 foguèt declarat illegal per las autoritats d’Espanha, mas se declara “preocupat que contunhen los jutjaments contra d’ancians dirigents politics qu’organizèron lo referendum”.
En mai d’aquò, remembra que “mai d’un conflicte armat dempuèi 1945 es restacat a la negacion de la liura determinacion”, e qu’es aital qu’el n’avertiguèt l’Assemblada Generala dins son rapòrt ont “[soslinhèt] que la realizacion de la liura determinacion, que siá intèrna o extèrna, es una estrategia importanta per la prevencion dels conflictes”.
Lo raportaire ditz tanben al còrs diplomatic espanhòl que “la liura determinacion es particularament importanta perque permet als individús e als pòbles de gaudir de cadun dels dreches umans contenguts pels tractats internacionals”. E apond que sostendrà “totes los esfòrces de la part de las autoritats estatalas per intrar en dialòg amb los qu'aspiran a la liura determinacion, e per garantir lo gaudiment dels dreches umans en Catalonha en particular e en Espanha en general”.
Se mòstra preocupat “pel clima politic en Espanha”, e se met a la disposicion de las autoritats espanhòlas per discutir de “la situacion actuala dins lo contèxt de las obligacions d’Espanha en vertut del drech internacional dels dreches umans”.
Podètz legir la letra sus aqueste ligam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si ho diu tothom, que son aquests ispans, que diuen i gallegen, "la lei", "la constitución", au pendre!
Visca la Terra...Lliure.
l'Ernest, "El Tàrrega".
Las obligacions del govern del pp e sos lepacuols, dins lo context del dret internacional firmat amb l'UE, e los Drets Humans e dels Pobles firmats amb l'ONU.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari