Bandièra01 1180x150: Comuna de Tolosa

Actualitats

Irlanda: lo primièr ministre demanda que l’acòrdi del Brexit incluga la reünificacion del país

Aital l’Irlanda del Nòrd poiriá demorar dins l’Union Europèa

La Republica d’Irlanda a demandat una disposicion especiala a l’acòrdi del Brexit per que se preveja la possibilitat d’una reünificacion de l’Irlanda del Nòrd amb la Republica d’Irlanda. Aital l’Irlanda del Nòrd, qu’ara fa partida del Reialme Unit, poiriá demorar dins l’Union Europèa.
 
Lo primièr ministre irlandés, Éanna Ó Coinnigh (en anglés Enda Kenny), a situat coma precedent l’intrada de l’Alemanha orientala dins l’UE quand tombèt lo Mur de Berlin. En mai d’aquò, Ó Coinnigh a demandat qu’en las negociacions entre lo Reialme Unit e l’UE se comprenga la possibilitat que, dins lo futur, l’Irlanda del Nòrd vòlga tornar jónher l’Union.
 
Lo president de la Comission Europèa, Jean–Claude Juncker, sosten Irlanda e a demandat qu’après la sortida del Reialme Unit de l’UE, i aja pas de “frontièras duras” entre l’Irlanda del Nòrd e la Republica d’Irlanda. Dins aquel sens, a lançat un messatge de tranquillitat e a garentit a l’Irlanda del Nòrd que la Comission Europèa e lo govèrn irlandés trabalharàn ensems dins las negociacions del Brexit.
 
Lo referendum del Brexit de l’estiu metèt sus la taula las diferéncias entre los divèrses territòris del Reialme Unit. E mai s’en Anglatèrra e Galas s’impausèron los partisans del Brexit, en Escòcia e en l’Irlanda del Nòrd foguèt majoritària l’opcion de demorar dins l’UE.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Ernest Guevara Jr. Grand idea!
Visca la Terra...Lliure!
L'Ernest, "El Tàrrega".

  • 1
  • 0
francesc palma
2.

Posats a demandar qu' Occitània sia tamben reconeguda coma tal a l'UE e l'ONU. Es atal, per demandar que non manqui.

  • 3
  • 0
Ernèst Guevara Jr.
1.

Aquò's una plan bona idèa. Ieu, vau demandar que lo Brexit incluga la reünificacion de totas las tèrras de lenga catalana, aragonesa e occitana.

  • 8
  • 0

Escriu un comentari sus aqueste article