Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

La Generalitat de Catalonha destinarà 40 000 èuros a las associacions que trabalhan a la promocion de l’occitan

Pendent la darrièra reünion del Conselh de Politica Lingüistica de l’Occitan Aranés se presentèt lo budget per l’an 2017

| CGA
Dins la darrièra reünion del Conselh de Politica Lingüistica de l’Occitan Aranés se presentèt lo budget per l’an 2017 e lo Govèrn d’Aran demandèt al govèrn de la Generalitat de melhorar lo finançament de la promocion de la lenga pròpria d’Aran. Dins aquel sens, la Generalitat de Catalonha presentèt la dobertura d’una nòva categoria de subvencions amb una valor totala de 40 000 èuros que seràn destinats a las associacions consagradas a l’estudi e a la promocion de l’occitan.
 
Dins aquela reünion, se presentèt las accions fachas per la normalizacion lingüistica en Aran. En 2016, lo Conselh General d’Aran destinèt aperaquí 113 000 èuros per d’accions en favor de la lenga, dont la traduccion de mai de 500 tèxtes, de teatre a l’escòla e divèrses prèmis literaris e culturals.
 
Durant aquela reünion s’expausèt tanben los trabalhs de l’Institut d’Estudis Araneses-Acadèmia Aranesa de la Lenga Occitana.
 
Lo Conselh de Politica Lingüistica de l’Occitan Aranés, format del govèrn de la Generalitat de Catalonha e del Conselh General d’Aran, ten uèch membres e sos presidents son lo conselhièr catalan de la cultura e lo sindic d’Aran. Sa tòca es de coordenar las mesuras de normalizacion lingüistica de l’occitan, partejadas entre lo govèrn de la Generalitat e lo del Conselh General d’Aran.

 
 

abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Montanhes coronades
tot er an de nèu,
tan nautes e bères
que vos pune eth ceu.

Montanhes araneses
pintades de rius,
de totes grandeses
vos adorna Diu.

  • 0
  • 0
pèir
3.

Lo vidèo mòstra plan l'usatge de plan de castilhanismes/catanyolades dins lo parlar aranés...

  • 1
  • 2
pèir
2.

Lo vidèo mòstra plan l'usatge de plan de castilhanismes/catanyolades dins lo parlar aranés...

  • 2
  • 2
francesc palma
1.

Provençals vet aquí la cupa,
que nos ven dels catalans.
amb de seny beguem ne tropa
del vin pur dels nostres camps.

Copa sana e vessanta
plena fins als bords
beguem de ses esperances
e de sas ilusions.

  • 4
  • 0

Escriu un comentari sus aqueste article