SpaceX a anonciat que mandariá en 2018 doas personas dins l’orbita de la Luna, çò que significarà lo retorn dels èssers umans sus nòstre satellit, 45 ans après la fin del programa Apollo. Los dos viatjaires son de personas qu'an ja pagat fòrça sòus per participar a la mission. Pendent mai d’un an seràn entraïnats per far en solitari un vòl que reclama plan de coneissenças e de qualitats especialas, fins ara solament a la portada dels astronautas.
 
Los dos toristas espacials despegaràn propulsats per la fusada Falcon Heavy, que foncionarà pel primièr còp l’estiu que ven. Eles viatjaràn fins a l’orbita de la Luna, a bòrd del vaissèl Dragon, qu’es ara a far de missions de provesiment a l’Estacion Espaciala Internacionala, e puèi tornaràn sus la Tèrra.
 
SpaceX a presentat aquel viatge coma la primièra demostracion importanta de son sistèma de navigacion que vòlon que siá lo primièr que mene d’umans dins l’orbita de Mart.