Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautPaís d'Òlmes

Cossí èra lo vertadièr sit catar de Montsegur

Après lo masèl del 16 de març de 1244, lo sit foguèt destruch e se i bastiguèt un nòu castèl a la faiçon francesa

Lo fòrt de Montsegur bastit per aculhir lo darrièr nuclèu de resisténcia contra la crosada anticatara revertava pas gaire lo castèl que se tròba a l’ora d’ara sus la cima del Pog. Après lo masèl del 16 de març de 1244, lo sit venguèt ocupat per un amic de Simon de Montfòrt, lo senhor francés Gui Ir de Lévis. Aqueste lo faguèt destruire completament e i bastiguèt un castèl, que sas rèstas son çò qu’ara podèm vesitar.
 
De fach, l’armada francesa destruguèt la majoritat dels sits catars e la majoritat de castèls nomenats “catars” foguèron bastits a la faiçon francesa per lors bòias. Es un detalh important qu’explican pas las promocions toristicas que dobrisson plan granda la boca per parlar del “País Catar”.
 
Dins lo vidèo que seguís, podètz veire cossí èra lo fòrt de Montsegur e la reforma que la patiguèt. Es una restitucion en 3D realizada pel compte del magazine Des Racines et Des Ailes de France 3.


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

#1 Plan segur. Fa plan longtemps que Michel Roquebert, Anne Brenon, Renat Nelli, et Jean Duvernoy o explicavan : jamai cap document istoric relatiu als catars d'Occitania o d'endacòm mai a pas ni pauc ni pro evocat cap culte que siá relatiu al solelh. Los Crestians non veson ges divinitat dins lo solelh, e los catars son de crestians, coma los ortodòxes, los protestants, los catolics, res mai. Tot ligam atribuït al maniqueïsme, per exemple, es estat invalidat per la recèrca en istòria de las religions despuèi al mens 50 ans. Los mercants de fadesas se pòdon anar far lusir lo pitre endacòm mai…

2) Per examinar las melhoras reconstitucions 3D de la plaça fòrta occitana d'abans 1244, mas tanben las del castèl de 1264 (actualament visible) cal anar fintar del costat de l'òbra metodica e scientificament menimosa de Tistan BERGEROT ( http://tristanbergerot.wixsite.com/virtualis ), e notadament d'aqueste opus : http://tristanbergerot.wixsite.com/virtualis/single-post/2014/02/17/Critique-du-film-Monts%C3%A9gur-de-lenvol-%C3%A0-la-chute-par-Pyren%C3%A9es-Magazine

  • 3
  • 0
Eric Gonzales Pau
1.

Donc ne's pòt pas afirmar, com ac hasón de que n'i a qui's basavan suu castèth actuau, que lo castèth de Montsegur èra un temple solari. CCCD.

  • 6
  • 0

Escriu un comentari sus aqueste article