Bandièra01 1180x150: Comuna de Tolosa

Actualitats

McOccitan, lo novèl entrepan de McDonald’s

Se tracta d’un hamburger de carn organica acompanhat de formatge de Ròcafòrt, de lachuga Lollo Bionda e d’un pan de granas de virasolelh

| theimpulsivebuy
McDonald’s ven d’anonciar son novèl hamburger nomenat “McOccitan” que serà disponible dins sos restaurants a partir del mes de mai. S’agís d’un entrepan de carn organica acompanhat de formatge de Ròcafòrt, de lachuga Lollo Bionda e d’un pan de granas de virasolelh.
 
Amb aquela nòva opcion, lo gigant estatsunidenc del fast food assaja, d’un latz, de mostrar un raprochament amb la mangiscla pus sanitosa, del temps que cèrca tanben una reconciliacion amb lo país de Larzac, ont se produtz lo formatge de Ròcafòrt e ont, en 1999, la societat estatsunidenca foguèt l’objècte d’una accion de fòrta protèsta, çò es lo desmontatge del McDonald’s de Milhau.
 
“E mai s’Occitània es una region de creacion recenta, es tanben un país istoric amb una istòria e una cultura conegudas dins tot lo Mond, especialament sa gastronomia”, çò declarèt Robert Biggs, cap de comunicacion de la societat. “Puèi qu’emplegam de produches de nauta qualitat, e de formatge de Ròcafòrt, originari d’aquela region, avèm decidit de nomenar «occitan» aqueste nòu hamburguer, que cèrca d’èsser lo pus requist de nòstres restaurants”, çò apondèt.
 
 


abonar los amics de Jornalet



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

resquilleta montpellier
18.

osca!!a Macarel
toujours aussi inventif a trouvé une réponse a Macdonald's
Assamé ! (ah! çà ! mais.........!)
osca!

  • 0
  • 0
Vice-secretari Virabiquin
17.

#16 "Entre-senha/entresenha (entressenha)" ; "contra-sens/contrasens (contrassens)"...Aquel punt de grafia, fòrça complèxe, es luènh d'èsser segondari. Las solucions se fan concurréncia dins d'estudis, o d'obratges, dels pus serioses. Basta de dobrir mai d'un diccionari.
Tot còp se legís : "viracòl" o "viradisques", mas "vira-solelh" a causa de la /s/ (aquela causida sembla logica.
Ni per lo saber parlar, aguèssem estudiat l'occitan tant de temps coma estudièrem lo francés, maganhariam pas tant.

  • 0
  • 2
Pascau
16.

#6 Virar set còps sa lenga dens sa boca puslèu que de comentar per dìser aquò...

  • 2
  • 1
Alan Estivell Quimpèr
15.

Preferir lo MacRon al McLePen segur ! Si que non bonjorn Montsegur lo ritorn !!!

  • 0
  • 0
Alan Queven Berra dals Alps
14.

Lo MacRon es el un entrepan qu'a un pretz liberal, particularitat, al centre i es un pauc de peis e un pauc de carn. Sintèsi.

  • 3
  • 1

Escriu un comentari sus aqueste article