Actualitats
Guaiana es en cauma generala e protèsta sociala a causa d’una tragèdia economica
França a mandat una mission interministeriala, mas los manifestants exigisson de negociar amb d’elegits de primièr plan per afrontar una situacion d’inseguretat cronica e de caumatge fòrça naut
Guaiana es en cauma generala, una cauma e una protèsta sociala seguida per 37 organizacion sindicalas. Aquela colònia francesa de l’America Latina, un país de 200 000 abitants e mai d’86 000 km2, protèsta a causa de la tragèdia economica e sociala que la patís, e planh l’inseguretat e lo naut caumatge. Dempuèi dijòus passat, de barricadas talhan las principalas estradas e dins la dimenjada se tenguèron de manifestacions pacificas.
Es a l’origina de las protèstas lo movement dels 500 Fraires, qu’amassa totas aquelas organizacions sindicalas e d’autres collectius. Se mòstran vestits de negre e encagolats. Pasmens, dison que son pas violents, e lor exigéncia principala es de negociar amb lo govèrn francés.
La mobilizacion manten de parts del territòri completament arrestadas, amb dotzenas d’estradas blocadas, d’escòlas barradas... Una consequéncia dels blocatges l'a patida la basa espaciala de Kourou, qu’a pas pogut lançar una fusada Ariane 5 que deviá metre en orbita dos satellits. Los Estats Units an desconselhat a sos ciutadans de i viatgar, e Air France a cancelat plusors vòls.
Dimenge passat, l’estat francés mandèt a la capitala Caièna una mission interministeriala per ensajar de metre fin a la mobilizacion, mas sembla que lo dialòg es, per ara, complicat. “Las demandas son tròp dispersadas e los collectius son pas d’acòrdi entre eles”, çò explicava una font del govèrn francés. Mas la sola proposicion que París fa a Guaiana es de mandar 25 nòus gendarmas e 60 milions d’èuros a l’espital de Caièna, de mesuras que los ciutadans de Guaiana considèran coma insufisentas. Los manifestants exigisson de negociar amb d’elegits de primièr plan per afrontar una situacion d’inseguretat cronica e de caumatge fòrça naut.
Instrumentalizacion dels candidats a l’Elisi
Los candidats a l’Elisi an profechat de la situacion per far campanha. Atal, lo republican François Fillon a atribuit la crisi de Guaiana a la “malescasuda de las politicas de François Hollande”. L’ultradrechista Marine Le Pen parlèt d’un “excès d’immigrants” que “paralisan los servicis publics”. Per quant a el, lo candidat esquerrista Jean-Luc Mélenchon, que critiquèt la cofa del liberal Macron –qu’aviá pres lo territòri guaianés per una illa– en afortir qu’es “una de las dimensions de l’universalisme francés”, exprimiguèt son “enòrma solidaritat” amb los obrièrs en cauma per la “violéncia” de la situacion.
Lo PNO critica “un empèri colonial”
Lo Partit de la Nacion Occitana a publicat un comunicat ont remembra que “la Republica Francesa es un empèri colonial”. Dins aquel sens, lo PNO afirma que “Guaiana es una colònia al meteis títol que sas vesinas antilhesas, Martinica, Guadalope e Sant Martin, Maiòta, la Polinesia dicha francesa, Wallis e Futuna e Nòva Caledònia”. En mai d’aquò, revendica l’independéncia de las colònias, “siá d’otramar o de metropòli”, en tot mençonar una lista de territòris de la Republica Francesa en Euròpa que segon lo PNO “son de colònias”, çò es “Corsega, Alsàcia e la Mosèla germanofòna, lo Westhoek flamenc, Bretanha, lo Bascoat Nòrd, Catalonha Nòrd e Occitània”.
L’informacion sus Radio Free Dom de la Reünion
Radio Free Dom a la Reünion torna difusar lo dirècte 24h/24 de Radio Péyi de Caièna. En mai d’aquò, aquela ràdio es, a nòstre vejaire, un dels mèdias que fornís las informacions pus precisas sus la situacion en Guaiana.
Es a l’origina de las protèstas lo movement dels 500 Fraires, qu’amassa totas aquelas organizacions sindicalas e d’autres collectius. Se mòstran vestits de negre e encagolats. Pasmens, dison que son pas violents, e lor exigéncia principala es de negociar amb lo govèrn francés.
La mobilizacion manten de parts del territòri completament arrestadas, amb dotzenas d’estradas blocadas, d’escòlas barradas... Una consequéncia dels blocatges l'a patida la basa espaciala de Kourou, qu’a pas pogut lançar una fusada Ariane 5 que deviá metre en orbita dos satellits. Los Estats Units an desconselhat a sos ciutadans de i viatgar, e Air France a cancelat plusors vòls.
Dimenge passat, l’estat francés mandèt a la capitala Caièna una mission interministeriala per ensajar de metre fin a la mobilizacion, mas sembla que lo dialòg es, per ara, complicat. “Las demandas son tròp dispersadas e los collectius son pas d’acòrdi entre eles”, çò explicava una font del govèrn francés. Mas la sola proposicion que París fa a Guaiana es de mandar 25 nòus gendarmas e 60 milions d’èuros a l’espital de Caièna, de mesuras que los ciutadans de Guaiana considèran coma insufisentas. Los manifestants exigisson de negociar amb d’elegits de primièr plan per afrontar una situacion d’inseguretat cronica e de caumatge fòrça naut.
Instrumentalizacion dels candidats a l’Elisi
Los candidats a l’Elisi an profechat de la situacion per far campanha. Atal, lo republican François Fillon a atribuit la crisi de Guaiana a la “malescasuda de las politicas de François Hollande”. L’ultradrechista Marine Le Pen parlèt d’un “excès d’immigrants” que “paralisan los servicis publics”. Per quant a el, lo candidat esquerrista Jean-Luc Mélenchon, que critiquèt la cofa del liberal Macron –qu’aviá pres lo territòri guaianés per una illa– en afortir qu’es “una de las dimensions de l’universalisme francés”, exprimiguèt son “enòrma solidaritat” amb los obrièrs en cauma per la “violéncia” de la situacion.
Lo PNO critica “un empèri colonial”
Lo Partit de la Nacion Occitana a publicat un comunicat ont remembra que “la Republica Francesa es un empèri colonial”. Dins aquel sens, lo PNO afirma que “Guaiana es una colònia al meteis títol que sas vesinas antilhesas, Martinica, Guadalope e Sant Martin, Maiòta, la Polinesia dicha francesa, Wallis e Futuna e Nòva Caledònia”. En mai d’aquò, revendica l’independéncia de las colònias, “siá d’otramar o de metropòli”, en tot mençonar una lista de territòris de la Republica Francesa en Euròpa que segon lo PNO “son de colònias”, çò es “Corsega, Alsàcia e la Mosèla germanofòna, lo Westhoek flamenc, Bretanha, lo Bascoat Nòrd, Catalonha Nòrd e Occitània”.
L’informacion sus Radio Free Dom de la Reünion
Radio Free Dom a la Reünion torna difusar lo dirècte 24h/24 de Radio Péyi de Caièna. En mai d’aquò, aquela ràdio es, a nòstre vejaire, un dels mèdias que fornís las informacions pus precisas sus la situacion en Guaiana.
Hier en Guyane, "la plus grosse manifestation jamais organisée", selon la préfecture #AFPpic.twitter.com/IeodOxJHQt
— Agence France-Presse (@afpfr) 29 de març de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai, això de les colònies, no s'ahvia acabat?
Visca la Terra...Lliure!
l'Ernest, "El Tàrrega".
Fa pus de cinquanta ans èra lo Miterrand que nos la proclamava "De Dunkerque à Tamanrasset". Aquela tissa colonialista parisenca, eufemisada en "universalisme francés", es totjorn plan vivènta.
De l'esquèrra a la drecha es totjorn la meteissa mescla de mespres, d'ignorència e de paternalism.
Ultim episòd amb las excusas oportunistas de la ministra d'Oltra-mars "al Pòble Guianès per la situacion actuala de la Guiana" .Tecnica elementaria de manipòli politic, decalca quasi perfièch de la famosa frasa de De Gaulle : "Je vous ai compris". Seriai guianès que me maufisariai d'aquela declaracion demagogica qu'engatja e pas res, que "manja pas de pan", mas qu'a l'art de calmar lo bon pòble e de permetre al govèrn de ganhar de temps...
Ne los paures negres volen ser franceses.
Aquí enquèra vesèm l'actituda neocolonialista de França devès un departament d'otramar ! Jamai aurián laissar montar en la metropòli una inseguritat tant grava coma aquela...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari