Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Aran e Comenge seràn connectats per transpòrt public

La linha que travèrsa Aran de Vaquèira fins a Les farà la correspondéncia amb la linha comengesa fins a Sant Gaudenç. I aurà una correspondéncia amb la linha ferroviària de Sant Gaudenç a Tolosa

Las doas administracions an signat un acòrdi que compta sus la participacion de doas entrepresas d’autobuses de linha que son ALSA, del costat aranés, e EPTR del costat comengés
Las doas administracions an signat un acòrdi que compta sus la participacion de doas entrepresas d’autobuses de linha que son ALSA, del costat aranés, e EPTR del costat comengés | Conselh Generau d\'Aran
Aran e Comenge seràn fin finala connectats per transpòrt public. Lo Conselh General d’Aran e lo Conselh Departamental de la Nauta Garona metràn un servici d’autobús en marcha lo 18 d’abril que ven.
 
Dins aquel sens, las doas administracions an signat un acòrdi que compta sus la participacion de doas entrepresas d’autobuses de linha que son ALSA, del costat aranés, e EPTR del costat comengés. Atal, la linha que travèrsa Aran de Vaquèira fins a Les farà la correspondéncia amb la linha comengesa fins a Sant Gaudenç. Se manten los meteisses oraris de diluns a divendres e ara las doas administracions son a estudiar qual serà lo servici que s’ofrirà pendent las dimenjadas. Lo prètz del bilhet se manten, e  doncas, de traversar Aran còsta 1,10 èuros, e d’anar fins a Sant Gaudenç costarà 2,20 èuros.
 
Tant lo Conselh General d’Aran coma lo Conselh Departamental de la Nauta Garona an manifestat lor intencion qu’aquel servici aja tanben una correspondéncia amb la linha ferrioviària de Sant Gaudenç a Tolosa.
 
Amb la mesa en marcha d’aqueste servici, las doas adminsitracions respondon a las demandas dels ciutadans d’establir una linha regulara de transpòrt public que connècte Aran amb la rèsta d’Occitània, coma aviá existit al començament del sègle XX amb lo tramvai.

 


abonar los amics de Jornalet
 




 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
5.

E faràn la conexion de la lenga occitana tanben (anoncis en occitan dins l'autobus per exemple)?

  • 3
  • 0
Joan Francés Blanc Lion
3.

#1 Abans 1806 Aran ère ena diocèsi de Comenge (après, ena diocèsi d'Urgelh). De 1812 a 1815 Aran ère un canton deth departament de Hauta Garona... auètz rason.

  • 3
  • 0
Francesc Palma
2.

Las comunicacions pirenencas son molt importantas per Occitània e Catalunya.

  • 4
  • 0
Garric
1.

Los Araneses son pas Comengeses ?

  • 4
  • 4

Escriu un comentari sus aqueste article