Bandièra01 1180x150: Comuna de Tolosa

Actualitats

Ara fa cinc ans. Un patron de bar nafrat per daus militants dau FN

Tres militants dau Front Nacionau, dont lo secretari departamentau de Vinhana-Nauta, interpelats per la polícia per violéncias volontàrias agravadas

Rua de la Bochariá, ente l'agression se passet
Rua de la Bochariá, ente l'agression se passet | Babsy



Diumenc passat, après una reünion de campanha, los militants Front Nacionau de Vinhana Nauta decideren de festejar los vint ans de l'entrepresa d'electricitat de lor secretari departamentau. Serada fòrça alcolizada que se 'chabet au Duc Etienne, bar dau centre istoric de Limòtges, per una bagarra dins la quala lo patron de l'establiment aguet lo nas romput.


Segon los tesmonhs, riberen en exhibar una bata de besbòl e en dire qu'eran aquí per esbolhar de l'estudiant de mança. Après l'intervencion de la polícia, lo barman e son patron decideren de barrar l'establiment. Los militants FN torneren e ataqueren los dos òmes davant de fugir.

Tres daus militants siràn interpelats per la polícia dins lor fugida. L'un aurá nonmàs un rapel a la lei per pòrt d'armas e ebrietat publica. Los dos autres siràn presentats davant lo tribunau correcionau de Limòtges lo 19 julhet venent. "Aviá tròp begut e zo rancure", declaret lo secretari departamentau dau FN. "Es verai, aviá un coteu dins ma pòcha, emb un tiraboschon, mas qui ne'n a pas?" çò disset. Sap pas si se podrá presentar per las legislativas dau mes de junh. E mai se sent victima d'una mena de linchatge. Marine Le Pen declaret ier que será demés de sa foncion si es condamnat, en tot se'n préner aus "poirits" que lo PS e l'UMP demeten pas e aus jornalistas que parlen pas daus militants FN nafrats dins la campanha.



Maime Caillon




abonar los amics de Jornalet
 
 


Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Arg
3.

Se poiriá tirar los comentaris fascistas coma lo precedent? Es indigne, amai es pas en occitan.

  • 1
  • 0
Adolf Benito von Khadafi Tripoli
2.

#1 Et les exactions des antifas, t'en fais quoi connard de gauchiste de merde!

  • 0
  • 5
Francesc Palma
1.

La barbaria del fachisme.

  • 3
  • 6

Escriu un comentari sus aqueste article