Bandièra01 1180x150: Comuna de Tolosa

Actualitats

SocietatPoliticaInternacional

Birmingham: lo sorire coratjós d’una joventa contra lo racisme

Lo rassemblament ultradrechista arribèt d’amassar pas qu’un centenat de personas

Lo sorire coratjós de Saffiyah Khan contra lo racisme a fach lo torn del Mond
Lo sorire coratjós de Saffiyah Khan contra lo racisme a fach lo torn del Mond | Joe Giddens
Lo sorire coratjós de Saffiyah Khan, una joventa que s’afrontèt a una manifestacion del grop ultradrechista Liga de la Defensa Anglesa (EDL) a Birmingham, a fach lo torn del Mond. La fotografia es venguda virala coma simbòl de la resisténcia de Birmingham a l’extrèma drecha, que manifestava dissabte dins la vila anglesa.
 
L’imatge mòstra Saffiyah Khan que soritz a un dels manifestants, visiblament fustibulat, al costat d’un policièr. Khan diguèt a la BBC qu’aviá fach un pas endavant per defendre una femna entornejada per un grop de personas: “M’agrada pas de veire de mond que s’amassan contra un grop de personas dins ma vila”, çò apondèt.
 
Khan es nascuda al Reialme Unit e sos aujòls son bosnians e paquistaneses. Assegurèt que s’èra pas sentida intimidada, e expliquèt: “El me pausèt lo det sus la cara e foguèt fòrça agressiu. Un oficièr de polícia i èra e l’òme tirèt lo det de la cara”.
 
L’acamp de l’EDL rassemblèt aperaquí un centenat de personas e foguèt susvelhat per un vast dispositiu policièr. Los còrses de seguretat arrestèron doas personas per alteracion de l’òrdre public. L’acte foguèt condemnat per las principalas fòrças politicas del país. Lo cònsol màger de Birmingham assegurèt que lo grop ultradrechista èra pas benvengut dins la vila.
 
En mai d’aquò, la mosqueta centrala de la vila organizèt a l’encòp una collacion amb de tè e de pastissons. La tòca es de “nos amassar los amics, los vesins, per prene ensems una tassa de tè. Vaicí lo messatge poderós que mandarem als que nos vòlon devesir”, çò assolidèt a The Guardian lo conselhièr municipal Liam Byrne.
 
La deputada trabalhista Jess Phillips se demandèt: “Qual sembla qu’aja mai de poder, la vertadièra birminghesa (en referéncia a la gojata) de l’esquèrra o l’EDL que migra un jorn dins nòstra vila e a mal capitat?”.
 
 
 
 
 
 
abonar los amics de Jornalet
 
 




 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo Cagadiu
2.

Beauty and the beast.

  • 3
  • 0
Francesc Palma
1.

Una eroina e un folh torrat ,ve't ací la question.

  • 1
  • 0

Escriu un comentari sus aqueste article