Bandièra01 1180x150: Comuna de Tolosa

Actualitats

Murèth: conferéncia sus las relacions parents-enfants e adolescents e concèrt de polifonias per dançar

Òctan e Calandreta prepausan una nòva manifestacion, dissabte que ven, a la sala de las fèstas d’Òx

Dissabte que ven, 22 d’abril que ven se tendrà a Murèth, una conferéncia debat sus las relacions dels parents amb los enfants e adolescents, seguida d’un concèrt-balèti de cants polifonics tradicionals. L’eveniment es organizat per l’associacion Òctan, que promòu promocion la cultura occitana a Murèth, en partenariat amb l’escòla Calandreta de la vila.
 
La conferéncia començarà a 14h30. Aquí los participants formaràn un grop de rescontre coma un luòc d’expression de se e d’aprendissatge de l’escota mutuala sul tèma de las relacions entre los parents e los enfants o adolescents. La sesilha la guidaràn los psicopracticians Patrick Leclerc e Marie-Laure Ruffieux especialistas del tèma, e durarà doas oras.
 
Puèi, a 18h30, se tendrà lo concèrt-balèti de las Filhas de Cocanha, que prepausan un repertòri coral de musicas de Lengadòc e dels Pirenèus de Gasconha per un concèrt de dançar o un balèti que s’escota, tot en elegància, umor e caractèr.
 
Òctan prepausarà puèi un repais. Per un prètz d’8 èuros ofriràn una sopa, doas lescas e una bevenda.
 
Lo prètz de l’eveniment es de 5 èuros per la conferéncia e 5 èuros pel concèrt, amb una ofèrta especiala d’8 èuros per las doas manifestacions. Per mai d’informacions, podètz vesitar lo sit web de l’Associacion Òctan.

 

 
 
 
abonar los amics de Jornalet
 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Donacian
1.

Tres filhas tant gentas... Crese que podiem pas raibar mèlhs per representar nòsta brava linga occitana !

  • 1
  • 0

Escriu un comentari sus aqueste article