Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaComtat de NiçaCostiera Niçarda

Niça festejarà dissabte sa cultura

La Plaça Pèire Gautier aculhirà de 10h a 18h d’obradors, d’animacions, de conferéncias e d’autres eveniments que tocaràn totes los aspèctes de la cultura del país

La segonda edicion de la Fèsta Niçarda Culturala se tendrà aqueste dissabte que ven. La Plaça Pèire Gautier de Niça aculhirà entre 10h e 18h una jornada fòrça completa que tocarà totes los aspèctes de la cultura del país.
 
I aurà d’obradors e de jòcs pels enfants pensats per tirar la lenga e far parlar l’occitan niçard, una iniciacion a las danças tradicionalas amb un balèti, de demostracions de jòcs niçards, un cafè literari sus l’identitat niçarda, de conferéncias e un torn d’orizont dels 75 monuments istorics de la vila de Niça e una taula redonda. En mai d’aquò, sus la plaça i aurà d’animacions dobèrtas per totes
 
L’espaci obrador previst sus la plaça aculhirà almens sèt intervenents en prepausant d’activitats sus las plantas salvatjas, la dança, la lenga, l’escriptura, la morra, los jòcs pels enfants... E mai son previstas tres conferéncias, un cafè literari e una taula redonda sul tèma “Espòrt e Identitat, l’OGC Niça dins lo còr dei niçards”.
 
 
Rescontre amb 25 autors
 
En mai d’aquò, se tendrà un rescontre amb 25 autors membres de l’Associacion dels Editors Alps-Còsta d’Azur, ont presentaràn lors obratges dins los estands sus la plaça.
 
Aquela segonda edicion de la Fèsta Niçarda Culturala es organizada a l’iniciativa de l’associacion Niçard per Totjorn (escrivon Nissart Per Tougiou) en partenariat amb l’Associacion de Professors de Lengas Regionalas, l’Associacion dels Editors Alps-Còsta d’Azur e la vila de Niça.
 
 
abonar los amics de Jornalet
 




 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
4.

Cal tamben pensar amb la cusina nizarda, lo pan banhat que los catalans e mallorquins disem pan amb oli, acompanat del beire lo bon vin de la terra. A Mallorca quan es fa un acte festiu amb un pauc de menjar, hi va molta gent, sembla qu' es per nosaltres lo mai important.

  • 0
  • 0
Fx Niça (Manhan, lo mai beu quartier d\'Occitània)
3.

#2 Cau saupre qu'un cèrt "collectif" en Provença a coma aligat una associacion niçarda nomenada Racines... de quauqua ren, que fan de fèstas coma a L'Escarea (Gavotina de Contea) en julhet que ven. Basta que d'anar sus lors sites e Facebook per lo liéger tot.

Mas daida, aquite l'eveniment non es d'aquesta mena. Es organizat per d'associacions que conoissi pas tot cen que pensan de la lenga nòstra, mas ben d'uni son seriosi (serioï) e son clari per trabalhar coma cau per la lenga nòstra, sensa barrieras. Enfin mi sembla. Vaquí. Senon es ver que lo term d'Occitan i es quist...

  • 7
  • 0
E Passa Que T Ai Vist Lo Clapàs (Montpelhièr)
2.

S'agachatz l'aficha dau programa, vesètz que lo mot occitan es pas jamai citat. S'i parla prudentament e unencament de "langue niçoise" sens dire qu'aquel parlar fai partida de l'occitan. Aquò passaria segurament l'òsca. Es ben dins l'amira dau poder central que tolèra amb paternalist tot iperlocalism folcloric eissut d'una de las "petites patries" que fan la "França granda". Per melhor far passar lo discors redemptor dau centralism parisenc : "urosament que tot lo mond parla frances en França, imaginatz un pauc se cada comuna, vila, vilatge o mièg-departament parlava dins son canton son patès escur"!
De notar (azard ?) que dins la tièra dels escrivèires nissards convidats manca lo pus grand d'eles, lo Joan-Luc Sauvaigo. Es verai qu'aquel a totjorn revendicat naut e fòrt l'occitanitat dau parlar niçard.
Occitanitat qu'apareis en cap de luòc de l'aficha d'aquela Festa Curturala(sic) Nissarda.

  • 18
  • 0
Pirolet
1.

E ben! Es lo Max Gallo que deu repotegar per totes los diables. Una fèsta que s'i evòca lo niçard: França se destrantalha!

  • 11
  • 0

Escriu un comentari sus aqueste article