Actualitats
Eleccions en Catalonha, amb l’independéncia sus la fuèlha de rota
Lo debat parlamentari s’acabèt ièr amb lo vòte d’una resolucion sus un referendum per l’autodeterminacion
Dimars, comencèt al Parlament de Catalonha, amb l’anonci d’eleccions avançadas de dos ans, lo debat de politica generala. Lo debat s’acabèt ièr amb la dissolucion del Parlament, que se tornarà constituir segon los resultats de las eleccions del 25 de novembre que ven.
Pendent lo debat, lo president Artur Mas precisèt que, dins la legislatura que ven, se farà un referendum d’autodeterminacion, quitament s’es illegal segon lo govèrn espanhòl. Mas apondèt que lo modèl prepausat es pas aquel de Puerto Rico (estat associat als Estats Units) e que “Catalonha vòl far partida d’una federacion europèa amb los meteisses dreches e devers que Danemarc, Eslovènia, los Païses Basses, Finlàndia, Estònia, Letònia o Lituània”.
Referendum per l’autodeterminacion
Lo debat parlamentari s’acabèt ièr amb lo vòte d’una resolucion sus un referendum per l’autodeterminacion, presentada per CiU e ÈRC, amb lo sosten d’ICV-EUiA e SI. La resolucion, que podètz veire sul document çai jonch, reconeis e saluda l’enòrma manifestacion de l’11 de setembre, soslinha que pendent 30 ans se faguèt d’esfòrces inutils per conviure dins l’Estat espanhòl, e que Catalonha deu iniciar la siá transicion nacionala basada sul drech de decidir. La resolucion demanda al Parlament de trabalhar sul dialòg amb la comunautat internacionala e l’Union Europèa, e constata que lo pòble a besonh de decidir del sieu futur. Per aquò far, demanda al govèrn de menar una consultacion per que los catalans pòscan decidir. La consultacion se deu far prioritàriament pendent la legislatura que ven.
La resolucion foguèt aprovada amb 64,44% dels vòtes. Votèron contra 15,56% dels deputats, del temps que 20% dels deputats s’abstenguèron.
De representants internacionals al Parlament
Los representants diplomatics dels consolats d’Alemanha e dels Estats Units foguèron a la tribuna dels convidats del Parlament de Catalonha, e prenguèron de nòtas suls debats. I aviá tanben lo deputat quebequés Alain Therrien, en qualitat d’assessor parlamentari del ministre de las Relacions Internacionalas de Quebèc.
Quant als mèdias internacionals, i aguèt al Parlament lo jornal occitan francofòn Sud Ouest, Al Jazira, las agéncias France Press, Associated Press e Reuters, lo jornal La Presse de Quebèc, lo neerlandés Volkskrant, Proceso de Mexic, la ràdio francesa Europe 1, l’agéncia d’imatges Getty, Deutsche Welle, The Times e lo Wall Street Journal.
Menaças d’Espanha
Las menaças d’Espanha se faguèron ausir. Cal soslinhar l’editorial de El Mundo que demandèt que lo govèrn espanhòl arrestèsse Artur Mas.
Del sieu costat, la secretària generala del Partit Popular, en nom del govèrn d’Espanha, declarèt ièr que lo govèrn espanhòl “emplegarà totes los instruments qu’aja per empedir qu’Artur Mas comete una illegalitat”. Dins aquel sens, a manifestat que pensan de reclassar coma delicte la convocacion de consultacions sus l’independéncia.
Pendent lo debat, lo president Artur Mas precisèt que, dins la legislatura que ven, se farà un referendum d’autodeterminacion, quitament s’es illegal segon lo govèrn espanhòl. Mas apondèt que lo modèl prepausat es pas aquel de Puerto Rico (estat associat als Estats Units) e que “Catalonha vòl far partida d’una federacion europèa amb los meteisses dreches e devers que Danemarc, Eslovènia, los Païses Basses, Finlàndia, Estònia, Letònia o Lituània”.
Referendum per l’autodeterminacion
Lo debat parlamentari s’acabèt ièr amb lo vòte d’una resolucion sus un referendum per l’autodeterminacion, presentada per CiU e ÈRC, amb lo sosten d’ICV-EUiA e SI. La resolucion, que podètz veire sul document çai jonch, reconeis e saluda l’enòrma manifestacion de l’11 de setembre, soslinha que pendent 30 ans se faguèt d’esfòrces inutils per conviure dins l’Estat espanhòl, e que Catalonha deu iniciar la siá transicion nacionala basada sul drech de decidir. La resolucion demanda al Parlament de trabalhar sul dialòg amb la comunautat internacionala e l’Union Europèa, e constata que lo pòble a besonh de decidir del sieu futur. Per aquò far, demanda al govèrn de menar una consultacion per que los catalans pòscan decidir. La consultacion se deu far prioritàriament pendent la legislatura que ven.
La resolucion foguèt aprovada amb 64,44% dels vòtes. Votèron contra 15,56% dels deputats, del temps que 20% dels deputats s’abstenguèron.
De representants internacionals al Parlament
Los representants diplomatics dels consolats d’Alemanha e dels Estats Units foguèron a la tribuna dels convidats del Parlament de Catalonha, e prenguèron de nòtas suls debats. I aviá tanben lo deputat quebequés Alain Therrien, en qualitat d’assessor parlamentari del ministre de las Relacions Internacionalas de Quebèc.
Quant als mèdias internacionals, i aguèt al Parlament lo jornal occitan francofòn Sud Ouest, Al Jazira, las agéncias France Press, Associated Press e Reuters, lo jornal La Presse de Quebèc, lo neerlandés Volkskrant, Proceso de Mexic, la ràdio francesa Europe 1, l’agéncia d’imatges Getty, Deutsche Welle, The Times e lo Wall Street Journal.
Menaças d’Espanha
Las menaças d’Espanha se faguèron ausir. Cal soslinhar l’editorial de El Mundo que demandèt que lo govèrn espanhòl arrestèsse Artur Mas.
Del sieu costat, la secretària generala del Partit Popular, en nom del govèrn d’Espanha, declarèt ièr que lo govèrn espanhòl “emplegarà totes los instruments qu’aja per empedir qu’Artur Mas comete una illegalitat”. Dins aquel sens, a manifestat que pensan de reclassar coma delicte la convocacion de consultacions sus l’independéncia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Saurem un pauc mai sus l'avenidor de Flandres dins quinze jorns, aprèp las eleccions municipalas del 14 d'octòbre.
Ara es lo Vidal-Quadras que vòl enviar la guardia civil. PPC= partit pus que centralista? partit pus que cinic? Partit per capbords?
Del sieu costat, la secretària generala del Partit Popular, en nom del govèrn d’Espanha, declarèt ièr que lo govèrn espanhòl “emplegarà totes los instruments qu’aja per empedir qu’Artur Mas comete una illegalitat”. Faudriá qu'Euròpa empachèsse Espanha de cometre un delicte d'irrespècte faiscista dau dech elementari daus pòbles de dispausar d'elei-mèsmes ! A de qué servís, aquela fotuda Euròpa, en fòra d'enriquir lei banquièrs ?
La democracia qu'ei lo dret deu pòble de decidir. Punt. Se ua votacion populara ei illegau, aquò que vòu díser la lei ei anti-democratica. Que'ns cau har pression deu noste costat, mès n'am pas cap mejan, sonque soscadissa e imaginacion. L'independéncia de Catalonha seré la dubertura d'ua epòca navèra, la Prima deus Pòbles, Escòcia seguiré lèu, benlèu Flandras e los Bascos ne demorarén pas shens de's mudar.
De seguir, crotzèm los dits tà Catalonha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari