Bandièra01 1180x150: Comuna de Tolosa

Actualitats

Aperaquí 200 responsables politics catalans s’engatjan pel referendum independentista

Après la futura adesion dels conselhièrs municipals, la repression de l’estat se veirà paralisada se vòl declarar inelegibles de milièrs d’elegits

| Govern de la Generalitat de Catalunya

Lo govèrn de la Generalitat de Catalonha assegura qu’ongan se tendrà un referendum per l’independéncia, del temps que lo govèrn de l’estat espanhòl assegura que o permetrà pas jamai. Dins aquel encastre, cossí se poiriá menar a bon pòrt aquel vòte? Sembla qu’una de las estrategias serà de paralisar la repression espanhòla.


Totes los compausants del govèrn de la Generalitat de Catalonha signèron divendres passat un document ont manifestavan lor engatjament pel referendum d’independéncia de Catalonha e Aran. A mai, amb aquela signatura los dos centenats de representants politics se fan eles totes responsables d’aquel prètzfach. “Nos engatjam a organizar, convocar e efectuar un referendum en responsa al mandat democratic qu’avèm recebut dels ciutadans”, çò ditz lo document.
 
Amb aquel acte, se l’estat espanhòl contunha son estrategia de denonciar en justícia e declarar inelegibles los elegits responsables d’un vòte independentista, l’estat deurà jutjar e declarar inelegibles mai de 200 elegits, o benlèu qualque milierat, car es prevista l’adesion de la majoritat dels cònsols màgers e conselhièrs municipals del país.
 
Lo president de la Generalitat, Carles Puigdemont, assegurèt que lo govèrn afortissiá solemnament sa determinacion de convocar e far lo referendum, e remembrèt que la majoritat dels catalans vòlon votar sus l’avenidor politic del Principat. Expliquèt que la preparacion, la convocacion e l’execucion del vòte se farián collectivament, ansin coma totas las autras accions del procès independentista.
 
Aquela eveniment seguissiá un acte que s’èra tengut dimècres al Parlament de Catalonha en sosten a sa presidenta, Carme Forcadell, e als autres elegits independentistas perseguits per la justícia espanhòla. En aquela escasença, totes los elegits, e los èx-presidents del Parlament, manifestèron lor supòrt e critiquèron la judiciarizacion del procès politic catalan de la part de l’estat espanhòl.
 
 
 
 
abonar los amics de Jornalet
 
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

D'acord volem un referèndum, però després d'unes plebicitàires, era necessàri?
Visca la Terra...Lliure!
L'Ernest, "El Tàrrega".

  • 0
  • 0
Francesc Palma
1.

Bon viatja pels guerrers,
se a son poble son fidels,
qu'el velam del seu vaixel
favoreissi lo Diéu dels vents,

E malgrat lor velh combat
tengan plaer dels cossos mai amants
omlin chanchas de volguts estels
ple d'aventuras e de coneissenças.

  • 1
  • 0

Escriu un comentari sus aqueste article