Bandièra01 1180x150: Comuna de Tolosa

Actualitats

SocietatPoliticaInternacional

Espanha: ridicul de Ciutadans a la television a prepaus d’una entrevista amb Macron

L’eurodeputat del partit espanholista se vantèt d’una reünion amb lo ganhaire del primièr torn de las presidencialas francesa, mas lo president del partit o desmentiguèt

Lo jove politic espanhòl Ciutadans (Cs) se voldriá ara mostrar coma lo referent espanhòl del movement En Marcha d’Emmanuel Macron. Dimenge de ser, son president, Albert Rivera, e l’eurodeputat d’aquel partit Javier Nart, mostrèron dimenge un moment insolit e ridicul a la television, a prepaus d’una presumida entrevista amb lo candidat liberal francés ganhant del primièr torn de l’eleccion presidenciala.
 
Dins una emission d’entrevistas politicas sus la cadena La Sexta, l’eurodeputat Javier Nart diguèt a la jornalista qu’avián agut una entrevista amb lo politician francés. “Amb Macron nos rescontrèrem fa fòrça meses. I aguèt una reünion entre Albert Rivera, ieu, Macron e son principal assistent”. Puèi, en una connexion en dirècte amb Rivera, el diguèt que s’èran pas jamai reünits amb Macron, e se mostrèt geinat quand se vegèt forçat de contradire Nart en dirècte.
 
La jornalista pausèt la question a Rivera: “Explicatz-nos cossí se tenguèt aquela reünion amb Macron, pr’amor que Nart nos a pas volgut explicar gaire de detalhs”. Aquí Rivera diguèt qu’avián mantengut de correspondéncia amb la còla de Macron. La jornalista insistiguèt: “Ara sabi pas gaire clarament s’avètz rescontrat Macron o pas”, e Rivera respondèt: “Non, ieu ai pas rescontrat Macron”.
 
Ciutadans, en castelhan Ciudadanos, es un partit politic espanhòl que se definís constitucionalista, progressista e liberal. Nasquèt en Catalonha ont se consagra a combatre lo catalanisme.
 
 
 
 
abonar los amics de Jornalet
 




 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Si es que en el fons...només acostumat a dir sempre tonteries, n'ha dit una altre, normal, el seu nivell cultural així ho indica, sabeu que darrera els seus candidats en els mítings fa la triada nazi amb els dits.
I que vol ésser una espècie de salvador, però ja ho veieu, un...en fi ni considerar-lo per res.
Els fatxes el clot. dèiem abans.
Visca la terra...Lliure!
L'Ernest, "El Tàrrega".

  • 0
  • 0
Francesc Palma
5.

Aqueste bergant que viu del conte.

  • 1
  • 0
Pirolet
4.

Alberto Ribera, es pas lo que d'unes lo sonon "Falangito" quitament a Madrid?
Li boti lo nom en Castelhan, cal pas aver vergonha de sas opinions, pecaire! Que lo Ribera es de los que te farián cambiar lo nom de Cullera* en Cuchara. Es sustot lo que lo mond de son partit dins las comunas ont son elegits fan d’entepachas a la memòria istorica suls crimes del franquisme. Es de faissisme maquilhat.

*Vila balneària al sud de Valéncia.

  • 3
  • 0
lo punt de vista de Sirius
3.

#2 aquo justitica lei teorias etnistas dau paure FRANCESC fONTAN, amb l'emigracion massiva dei castilhano-parlant durant la dictatura franquista e la pèrda de substancia catalana deguda ai morts de la guerra civila e a l'exil que força son jamai revenguts au pais, l'idioma castelhan s'es enracinat en Catalonha e lo nacionalisme etnic escondut au fin fons de l'ésser uman li buta a tornar a l'alma mater espanhola, lo paure Freud me desmentirà pas

  • 2
  • 10
vidal Toulouse
2.

Es coriós cossí dempuèi lo còr de catalunya sorgís un partit constitucionalista, espanhòl e monárquico, de còps las notícias qu'arriban de cataluña manipulan la realitat nos fan creire que totes los catalans son independentistas e resulta ara que dempuèi lo meteis centre de cataluña sorgisson partits pas independentistas que trabalhan per l'unitat de españa, e sembla qu'a pes e fòrça representacion.

  • 0
  • 6

Escriu un comentari sus aqueste article