Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaBordalésLa Grava

Bordèu: preson ferma per aver raubat de noiridura

An condemnat a 15 jorns de preson un òme sens papièrs per aver panat un paquet de salsissas, de pastissons e una bròssa de las dents

| Jean-Louis
An condemnat a 15 jorns de preson un òme per aver panat un paquet de salsissas, de pastissons e una brústia de las dents. Lo condemnat es un òme sens papièrs d’aperaquí trenta ans e lo jutgèron en correccionala diluns passat a Bordèu, çò rapòrta Sud Ouest.
 
“Se vos donatz nada explicacion, es dificil de reténer l’estat de necessitat plaidejat peu vòste defensor. En restant mut avetz sarrat la branca sus la quau ètz assetat” çò disiá lo jutge Alain Reynal.
 
Son avocata soslinhèt que lo montant del prejudici es d’“a pena 20 èuros”. A mai “qu’a hèit aquò pr’amor qu’avè hami. La pròva: quand se hèc préner, se lancèt suus paquets per los dubrir e minjar. Çò qu’ei estat retengut coma de degradacions”, çò s’escanèt de dire ela.
 
Lo ministèri public demandava tres meses de preson ferma, en fasent notar una circonstància agravanta qu’abandonèt: l’òme èra estat en preson entre fin de març e lo 22 d’abril per lo meteis delicte, e ara, en recidiva e a causa de sa situacion irregulara lo poirián expulsar de l’estat francés.
 
L’òme, que ditz qu’es originari de Còngo, mas aquel país lo reconeis pas coma un de sos ciutadans. Viu dins l’estat francés dempuèi 5 ans e i vòl totjorn demorar. “Los drets de l’òme disen que tot indiviú a lo dret de víver on se sent en patz”, çò precisèt lo condemnat.
 
 
abonar los amics de Jornalet
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
9.

#8 Fas plan de remembrar l'escrivan en cò de Pessamesse. Es pas perque nos ven amb sas tissas ara que cal oblidar l'òbra.

  • 11
  • 0
E Passa Que T Ai Vist Lo Clapàs (Montpelhièr)
8.

#6 E lo piegèr es qu 'ai pas res contra lo Pessamesse,. Per ieu es un dels mai grands escrivèires occitans dau sègle passat. O-cal dire, "Nhòcas e bachòcas", o "De fuòc amb de cendre" son de cap-d'òbras de la literatura occitana modèrna, a l'auçada d'aquò qu'escriguèron Joan Bodon o Robèrt Lafont. Emai se pòdi endevinhar sas nafras, sas rancuras e sas desilusions d'ara, lo seguissi pas quand se nèga dins sos deliris paranoïacs e raçistas. T'enganas d'enemic, amic.

  • 18
  • 0
Joan-Pèire Soulié
7.

#6 E perqué i tornatz pas a la literatura ? Benlèu aquò vos distrairiá de vòstras obsessions.

  • 15
  • 1
lo punt de vista de Sirius
6.

#4 gramaci per la leiçon de literatura que supausa en conclusion que lo paure Villon fasiá partida de SOS racisme o d'una ONG dau sègle XV coma que ne'n siegue,en estent que l'Europa non pot mestrejar sa politica emigratoria,au ritme d'un milion per an, serà ben lèu submergida e aquo adurrà de consequencias que seràn pas agradivas per nostre filhs e nostres felens , sharia, femnas embarradas dins seis ostaus, guerras religiosas, carestiàs, borrotlament de la societzt, decadéncia etc

  • 1
  • 17
Francesc Palma
5.

La misèria capitalista sensa vergonhosa

  • 14
  • 0

Escriu un comentari sus aqueste article