Bandièra01 1180x150: Comuna de Tolosa

Actualitats

An començat de bastir la Federacion d’Entitats Occitanistas dels Païses Catalans

La tòca d’aquela federacion es d’establir un espaci d’amassada permanenta pels actors de l’occitanisme en çò de nòstres fraires del sud

An començat de bastir la Federacion d’Entitats Occitanistas dels Païses Catalans (FEDÒC). Après una reünion que se tenguèt a la fin de març entre lo Comitat d’Afrairament Occitanocatalan (CAÒC) e Òc Malhòrca, se son pausadas las basas per establir la futura FEDÒC.
 
La tòca d’aquela federacion es de crear un espaci d’amassada permanenta pels actors de l’occitanisme dins los Païses Catalans, de bastir un ret de catalans interessats per Occitània, de se coordenar per realizar d’accions conjonchas e de mostrar un sosten unitari dels Païses Catalans a l’occitanisme d’Occitània.
 
Ara fan una crida a las autras associacions occitanistas dels Païses Catalans per que jongan lo projècte, e que s’engatgen totas las personas interessadas per Occitània. L’Associacion per la Difusion d’Occitània en Catalonha (ADÒC), que ten aqueste jornal en linha e l’espaci televisiu #aranésòc de la cadena Betevé, a manifestat son interès de far partida d’aquela federacion.
 
 
 
Las istoricas relacions occitanocatalanas
 
L’occitanisme es estat totjorn fòrça present als Païses Catalans. De remembrar l’amistat de Mistral amb qualques escrivans catalans, dont Jacint Verdaguer e Víctor Balaguer qu’autregèt la celèbra Copa Santa; de soslinhar la publicacion de la Gramatica Occitana de Loís Alibèrt en 1935 a Barcelona gràcias a l’Ofici de Relacions Meridionalas; e de remarcar mai que mai l’oficialitat de la lenga occitana en Catalonha e l’autogovèrn d’Aran.
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

A, només cal recordar Pere I el Gran, i en Ramon de Tolosa, tenim molt mes que llaços d'unió.
Visca la Terra...Lliure!
L'Ernest, "El Tàrrega".

  • 1
  • 0
Francesc Palma
1.

Lo Jornalet fa una feina molt bona perquè dona a conèisser aquestas relacions entre los centres occitanistas de tots los paisos catalans

  • 3
  • 0

Escriu un comentari sus aqueste article