CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 24 de junh

Actualitats

Dimars, 9 de mai de 2017, 03h00 Espòrt

Rugbi de XIII: los Canaris se perlupan d’adòba de singlar (al corbièras, sioplèt!)

Una dimenjada de rugbi pòrta son lòt de jòias e de tristum. Se tira lo morre del costat de Perpinhan, Tolosa, o Auckland e se ritz del costat de Carcassona per exemple


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


Aqueste dissabte, los Dragons recebián Leeds
© Dragons Catalans





Etiquetas
roch, rugbi, rugbi xiii, xiii

Paures Dragons!
 
Aqueste dissabte, los Dragons recebián Leeds. E la cordelada dels malastres s’alonguèt: Grèg Bird demorèt tres minutas sus la pelena (fractura al nivèl de la pometa), Anderson al cap d’un quart d’ora (cavilha) e Williame una ora (tocat al genolh). Ajustatz un arbitre que daissèt jogar los angleses als limits del fòrajòc e los Dracs tenguèron còp 75 minutas abans de plegar 30-24.
 
Aqueste divendres, un viatge malaisit s’anóncia del costat d’Hull FC per una partida eliminatòria de la Cup.
 
Decepcion tanben per Tolosa en Championship: desfaita a Swinton 27-20.
 
 
Lo cangoró sauta totjorn mai naut
 
Una tièra de partidas internacionalas, tastets per la Copa del Mond de la tardor, se debanava aquesta fin de setmana en Austràlia. Dins l’ANZAC-Test, a Canberra, Austràlia marquèt son territòri fàcia als neozelandeses: 24-0 a la pausa e 30-12 al final. A Campeltown, Anglatèrra anèt batre Samoa: 30-10 e Liban dominèt Malta: 24-4. Un ensag a la darrièra minuta permet a Tonga de batre Fidji: 26-24. Paposia capita de batre las Isclas Cook 32-22.
 
 
Los Canaris menan la farandòla
 
Solelh e vent al Pargue dels Espòrts d’Avinhon aqueste dimenge de vèspre. Dins un primièr temps, en egalizant a la darnièra minuta 36-36, aprèp èsser estat menats tota la partida per Tolosa, l’esquipa junior d’Avinhon ganha la Copa Nitard al nombre d’ensages.
 
Per la Copa Lòrd-Derby, majoritàriament se pensava que l’Ògre lesinhanés se chapariá lèu-fait una asteta de 17 Canaris. E de fait, aprèp una penalitat ensacada, los Verd e Blanc, en doas passas e 80 mètres de corsa, puntavan l’ensag (8a). Tornavan marcar mas l’arbitratge vidèo refusava l’ensag dels Molinièrs. Carcassona resistissiá; Gressèque passava una penalitat (19a), destillava una passa al pè per son capitani Bastian Escamilla que marcava (25a) e ajustava la transformacion del recanton. L’arrièr Miloudi recuperava una palma sus sos 10 mètres e, butat pel vent, l’anava pausar entre los pals verd e blanc, 90 mètres mai luènh. Per faire bon pes, Gressèque ajustava un tombat: 15-8 per Carcassona a la pausa.
 
Lesinhan marcava per son gigant Papali tre la represa. Amb la transformacion de Marginet, l’avança dels Canaris èra pas mai que d’un punt; Papali cresiá de tornar marcar mas lo cap de son pichon artelh s’èra pausat sus la linha de tòca! L’ASC se trufava d’una inferioritat numerica (en rason d’un carton jaune) e marcava: Baile lançava Vincenç Albèrt que se jogava de tres defensors (50a), Milodi trapava una òsca dins la defensa verda (53a) abans de destillar una passa al pè millimetrada per Vincenç Albèrt (62 ena); Gressèque ajustava una penalitat e Milodi un tombat. Los uèlhs escarrabilhats dels sostens de Ciutat vesián lo planchòt marcar un avantatge bèl: 30-14. Coma la lèbre de la faula, Lesinhan se ronzava enfin a l’ataca. Marcava dos còps (Tisseire a la 77a e Papali a la 79a), Marginet transformava lo primièr. Mas èra tròp tard: la Copa Lord-Derby preniá pel quatorzèn còp la rota de Carcassona. Marca finala: 30-24! La generositat, la volontat, la valentisa e la generositat an agut rason de la fòrça: lo vam d’una joinesa menada pels gronhards Gressèque e Saddaoui.
 
 
Plaça al campionat
 
La rota de las doas formacions se poiriá tornar crosar a la fin del mes per la mièja finala del campionat se Carcassona bat en barratge Avinhon aqueste dimenge 14 de mai a Domèc. L’autra partida Dragonets-Albi (a Sant Estève) determinarà l’adversari de Limós per l’autra mièja finala.
 
 
NRL: la jornada dels Indigènis
 
En Austràlia, la jornada venenta del campionat NRL se ditz la Jornada dels Indigènis per reconèisser l’apòrt bèl dels pòbles autoctòns al rugbi de XIII e en solidaritat amb eles. Ongan, se celebrarà los 50 ans del referendum que marquèt lor reconeissença. Totas las esquipas portaràn un malhòt especial per aquesta jornada: cadun aurà d’elements grafics dels pòbles autoctòns.
 
 
 
 
Alan Roch
 
 


abonar los amics de Jornalet
 



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

L’autogovèrn de la Val d’Aran

Lo 17 de junh de 1991, la Val d’Aran recebèt la restitucion de son Conselh General e de son autogovèrn. Es doncas una data importanta pels araneses e pels autres occitans, pr’amor ...
giny

Lo temps

Mapa
  • nuvols Agen 28 13
  • nuvols Aush 28 15
  • sol Bordèu 26 14
  • sol Briançon 28 14
  • nuvols Caors 27 13
  • nuvols Carcassona 27 16
  • nuvols Clarmont-Ferrand 29 14
  • nuvols Confolent 24 12
  • sol Gap 34 17
  • sol La Canau 26 14
  • sol La Gàrdia 28 19
  • sol La Torre de Pèlitz 33 21
  • nuvols Limòtges 24 12
  • sol Lo Borg Sant Dalmatz 34 22
  • nuvols Lo Puèi de Velai 28 14
  • sol Marselha 36 22
  • sol Montpelhièr 29 23
  • sol Naut Aran 22 12
  • sol Niça 24 14
  • sol Nimes 35 23
  • nuvols Pau 24 14
  • sol Peireguers 25 12
  • nuvols Rodés 28 14
  • sol Tolon 34 22
  • nuvols Tolosa 29 17
  • nuvols Valença 29 16

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Omenatge a Aragon. © Franc Bardòu

    Omenatge a Aragon

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Josep Carpintero

    Presentacion dera ANC Val d'Aran en Vielha, 28/12/2013

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Ciutat de Draoníer. © Cristòu Daurore

    Ciutat de Draoníer (Val Maira)

  • Niça vièlha en occitan niçard. © LR

    Niça vièlha en occitan niçard

  • Lo grand passacarrièra de Rodés. Occitan Pride 2013

  • Lo grand passacarrièra de Rodés. Occitan Pride 2013

  • © Asalaís Moniguet

    Montpelhièr la lengadociana

  • Coarasa

    Dictada occitana 2014

  • © Aure Séguier

    Carnaval Biarnés 2017

  • Valadas. © Xavi Gutiérrez Riu

    Valadas

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

giny

Vidèos

Las mai...

publicitat

LATERAL1 I 2 300X250 FESTA OCCITANA

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)