Bandièra01 1180x150: Comuna de Tolosa

Actualitats

SocietatPolitica

Un Front Social avertís Macron qu’aurà pas carta blanca per sas politicas d’austeritat

Mai d'un a declarat que votèt Macron per evitar que ganhèsse Marine Le Pen, mas acceptaràn pas son liberalisme economic

| Ronan Burtenshaw
 
L’endeman del segond torn de l’eleccion presidenciala, de milièrs de ciutadans manifestèron a París jol lèma “per l’egalitat dels dreches contra un precariat generalizat” per avertir Macron qu’a pas la carta blanca per far tot çò que voldrà.
 
Los manifestants, amassats dins lo nomenat Front Social, son compausats de grops d’esquèrra, de militants antimondializacion e de qualques sindicats. Mai d'un a declarat que votèt Macron per evitar que ganhèsse Marine Le Pen, mas acceptaràn pas lo liberalisme economic que lo nòu president elegit preconiza. Dins aquel sens, los protestataris avertiguèron que las conquistas socialas “se tòcan pas”.
 
 
Remembre de la Lei Macron
 
E mai se Macron èra preferible a l’ultradrechista Le Pen, lo nòu president elegit èra, dins lo govèrn Valls, a l’origina de las politicas d’austeritat del govèrn francés conegudas coma Lei Macron, mai que mai del dich “pache de responsabilitat” que prevesiá una reduccion de 50 miliards d’èuros dins los 3 ans venents per mejan d’un “ajustament dels salaris e de las pensions”.  Aquel “pache” a reduch los impòstes als entrepreneires “per qu’engatgen mai de salariats”.
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
15.

Cal se preparar per luitar contra la banca fachisme.

  • 1
  • 0
Madagasikara
14.

#13 Es vertat que Monsanto, Bayer, Total e Cia sont coneguts per lor rectitut morala. E la françafrica, se volètz parlar d'organizacion? Ravalomanane s'i entend tant plan coma los autres per çò qu'es d'organizar d'entrepresas a Madagascar e defòra. Ara, o tòrni dire, s'administra pas un païs coma se mena una entrepresa. Mas benlèu pensatz que dins un mond ideal cal qu'aja pas que de clients e pas pus d'usatgièrs nimai de ciutadans?

  • 1
  • 0
Lo muòl Carpan city
13.

#12 effetivament los entrepresas de magadascar son plan coneigudas
a l'internacional..... e capitan mai que tot dins totis los domènis.....
Segurament parlem pas de las meteissas causas.
Parlatz coruption, iò parli organizacion.

  • 3
  • 0
Madagasikara
12.

#2 Justament, Madagascar es estat dirigit coma un entrepresa del temps del president e òme d'afars Ravalomanane e cal veire dins qui estat a daissat lo païs! Los banquièrs e dirigents de societats multinacionalas son pas tan esperdigalhats coma òm crei: partan d'una bona posicion (l'andicap es pels autres) e prospèran sus la misèria del mond.

  • 6
  • 1
Lo Muòl Carpan city
11.

#10 daissa correr vai, de tot biais nos comprendrem pas jamai.

  • 0
  • 1

Escriu un comentari sus aqueste article