Bandièra01 1180x150: Comuna de Tolosa

Actualitats

Donald Trump licéncia lo cap de l’FBI e descadena una crisi politica sens precedents

Mai d'un comentarista politic estatsunidenc afirma que l’actitud del president es quitament pièger que la de Nixon pendent l’afar Watergate

Après licenciar lo cap de l’FBI, James Comey, lo president dels Estats Units, Donald Trump, a descadenat una crisi politica. Quand s'es sauput que Comey es estat destituit just après demandar mai d’argent e de sosten per l’enquèsta sul ròtle de Russia dins l’eleccion de Trump, l’escàndol es vengut màger. Lo resumit de la situacion lo podèm trobar dins una frasa publicada sul Washington Post: “Donald Trump es enrodat de sicofants e d’amators que gausan pas de li dire de non”.
 
Mai d'un comentarista politic estatsunidenc afirma que l’actitud de president es quitament pièger que la de Nixon pendent l’afar Watergate. Al Congrès, los democratas e pro de republicans an començat de demandar de mesuras extraordinàrias, e se parla de crisi constitucionala. Çò de primièr que reclaman es un comitat especial que meta en examen los ligams entre Russia e la campanha de Trump.
 
Las referencias constantas a Nixon e a l’afar Watergate an nieus provocat la reaccion de la Bibliotèca Presidenciala Richard Nixon, qu’a afirmat sus Twitter que “Nixon licencièt pas jamai son director de l’FBI”.
 
 
A Washington, degun compren pas l’accion maladrecha de Trump que li poiriá costar sa presidéncia. Es probable que l’Ostal Blanc esperava la compreneson de qualques elegits que se ressenton del ròtle de l’FBI durant la campanha electorala, car qualques unes considèran que lo burèu d’intelligéncia enfonzèt Hillary Clinton.
 
Lo licenciat James Comey èra lo cap d’una còla que realizava una enquèsta sul ròtle de Russia dins la campanha electorala dels Estats Units. L'investigacion deviá explicar se la campanha de Trump aviá agut lo sosten del Kremlin e fins a quin ponch i auriá agut d’activitats illegalas. Après son eleccion, Trump ataquèt plan durament Comey. Per quant a el, Comey anoncièt lo 20 de març passat que l’enquèsta contunhava e qu’avián fach de descobèrtas interessantas.
 
Ara sembla qu’en licenciant Comey, Trump es tombat dins sa trapèla.
 
 
Lo cap de premsa de Trump s’amaguèt dels jornalistas
 
Après lo licenciament del director de l’FBI, lo cap de premsa de l’Ostal Blanc s’amaguèt dels jornalistas e exigiguèt d’amortir las camèras se volián parlar amb el, car refusava d’èsser enregistrat, çò rapòrta lo Washington Post.
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sinistratus Pubescens Ἀριστερόπαιδεία
4.

#3 De hèit puish qu’ac demàndatz lo Trumpident tanpauc n’estó pas elegit peu pòble. Que PERDÓ dab 2,8 milions de vòts.

  • 0
  • 5
Francesc Palma
3.

Quí mana, lo president del EEUU o el cap de l'FBI ?
Ha estat elegit pel poble el cap de l'FBI ? Quants de vots ha tret ? Cap. Doncs fora !

  • 2
  • 0
Lachaud
2.

La rason dau licenciement dau cap dau FBI es catada. I a doas faccions que se livran una guerra terribla aus USA e los medias tiran sur Trump coma los medias frances an tirat Sur Marine Le Pen. I a la mesma crisa en Franca e en Europe. L'oligarchia financiera internacionala que dominava lo monde es en dificultat dins tots los pais.

  • 5
  • 0
lo punt de vista de Sirius
1.

ara, lo jornalet se metamorfosa en amirator incondicionau dau FBI ! fant,de petan ! aquela empega ! me soveni d'aqueu que li a quauqueis annadas faguèt saubre au mond entier que lo FBI espionava lo mond entier, fins qu'a escotar son aliada fidela A. Merkel e que desempuei ei refugiat a Londres dins una ambassada sud americana Assante ? cresi. aquo dich, a agut rason Trump de licencia aquest director, me pareis niais de pensar una segonda que de servicis secrets -russos en l'ocuréncia , poguèsson aguer una influéncia quenta que siá sus d'eleccions dins un autre pais. es doncas un cop politic contra Trump aquela enquista qu'èra dirigida contra eu e lo FBI i aguèsse pas de provas a carga n'auriá fabricats, ço que fan a l'ocasion totis lei servicis secrets dau monde

  • 4
  • 9

Escriu un comentari sus aqueste article