Bandièra01 1180x150: Comuna de Tolosa

Actualitats

Portugal a ganhat ongan lo concors d’Eurovision en tot rompre los clichats

I ganhèt un cantaire que detèsta aquel festenal e que profechèt de l’ocasion per reclamar l’aculhença dels refugiats

Portugal a ganhat ongan lo concors d’Eurovision en tot rompre los clichats. La cançon ganhanta, de la melodia doça e indefinida que fa pensar a la bòssa nòva brasilièra, foguèt pas cantada en anglés coma quasi totas las autras del concors, mas en portugués, e lo cantaire, Salvador Sobral, declarèt que detèsta aquel festenal. Se i presentèt amb sa sòrre, la compositritz de la cançon, e totes dos manifestèron lor sosten als refugiats. Dins una conferéncia de premsa abans la finala, compareguèron vestits de camisetas que portavan lo lèma “SOS Refugees”, e Sobral faguèt un parladís pauc abitual:
 
“Sabi qu’es una granda fèsta europèa e que totes festejam qu’es granda per la musica. Mas i a de causas que me chepican, e imagini que chepican fòrça mond. Quand pensèri que vendriái aicí, pensèri immediatament als refugiats perque venon de lors païses per fugir la mòrt. Vos enganetz pas, son pas d’immigrants, son de refugiats que fugisson la mòrt”.
 
En mai d’aquò, la santat del cantaire èra tanben un dels afars que se’n parlava. Foguèt operat de doas èrnias abans lo festenal, e ara es a esperar una transplantacion de còr.

 

 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

J
3.

Quand Catalonha venga independenta benlèu qualque an l'occitan debutarà al Festenal!

Tota Euròpa ausiriá e coneisseriá la lenga, seriá quicòm enòrme!! E imaginatz se ganhèsse :P

  • 4
  • 0
Francesc Palma
2.

Una polideta cançon que val pas gaire.

  • 1
  • 0
Lo Muòl Carpan city
1.

Ardit podetz eissir los mocadors.. que siaguesson trempats !
Un concors minable, una festa minable, de cantaires minables, Astrudament que i a los "effets spéciaux" de la mesa en scèna si que non valdria pas grand causa.
Un espectacle digne de las festas grandas de l'ex Union sovietica !
Un recuperacion politica amb messatge sublidimal vos prègui....
Vertadièrament jornalet ven de mai en mai la pravda !

(ja ne i a que reclaman l'expulsion d'unis intervevents que son d'un avis contrari)....

  • 2
  • 13

Escriu un comentari sus aqueste article