Bandièra01 1180x150: Comuna de Tolosa

Actualitats

Lhèida: d’escambis universitaris suls estudis occitans

L’Universitat de Lhèida aculhís aquesta setmana las jornadas d’escambis amb l’Universitat de Tolosa Joan Jaurés

Contunhan los escambis entre las universitats de Lhèida (Catalonha) e de Tolosa Joan Jaurés.  Dempuèi diluns passat, se tenon, a l’Universitat de Lhèida e en plusors endreches de la vila, d’activitats sus las lenga e la literatura occitanas. En mai dels participants occitans, los catalans que seguisson los estudis occitans a Lhèida an aquesta setmana l’escasença d’èsser ensenhats pels professors Francés Pic, Jordi Malé, Patric Sauzet e Jacme Gourc. A mai, aqueste ser poiràn discutir de las politicas de l’occitan en Catalonha amb Xavier Moral, de la Direccion Generala de la Politica Lingüistica de la Generalitat de Catalonha.
 
En mai d’aquò, an luòc d’activitats complementàrias coma de vesitas e descobèrtas culturalas e gastronomicas e assistir a una repeticion dels castellers. Podètz trobar lo programa dins lo document çai jonch.
 
Ongan es la segonda part de l’escambi, après qu’un desenat d’estudiants participèron a la Setmana Occitana de Tolosa en març passat.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Los intercanvis entre associacions las que sian, entre catalans e occitans son importantissimas. Lleida pot ajudar molt a Tolosa, son molt pròxims e es poden conéisser e unir molt mai amb projectes, coma per exemple: posar las antenas de la radiotelevision occitana a las montanhas pirenencas. Ve't aquí.

  • 0
  • 0

Escriu un comentari sus aqueste article