Limós aculhirà aqueste divendres una serada que farà tot petar. Dins la sabor pus occitana possibla, los calandrons de l’escòla Calandreta limosenca e lo grop Tarabast, una fanfara compausada d’uèch musicians del país, prepausan una serada festiva e conviviala plaçada jol signe de la musica, de la dança, e tanben de la bona umor.
 
D’un costat, l’eveniment a la tòca de far la fèsta a la faiçon occitana, de l’autre, en fasent viure la lenga del país, se vòl revendicar lo drech d’èsser, lo drech a la diversitat, a la cultura, a l’occitan, al paratge, a la vida...
 
La serada se tendrà a partir de 19h a la sala de Paulinha de Limós (Rasés). L’intrada es liura e conscienta e sus plaça i aurà servici de manjar e de beure. Per mai d’informacions, podètz contactar l’associacion Festivòc al +33(0)6 84 43 53 18 o per corrèu electronic a festivoc(a)gmail.com.


 

fffff		fffff
	Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…