Actualitats
Arab’Òc: un projècte de rescontre entre las culturas aràbia e occitana
Los escolans de la Calandreta Pech Mary de Carcassona e de l’escòla Jules Ferry an descobèrt, amb lo grop Du Bartàs, la creacion artistica e la transculturalitat
Se tenguèt dijòus passat la darrièra repeticion a l’escòla Calandreta Pech Mary del projècte Arab’Òc, un projècte de rescontre entre las culturas aràbia e occitana per mejan de la musica e de la cosina, menat pel grop Du Bartàs, la Calandreta Pech Mary de Carcassona e l’escòla Jules Ferry. Ara partiràn vèrs l’estúdio per enregistrar de cançons e un clip. Puèi un final musical dels escolans e de Du Bartàs se tendrà lo 17 de junh a Carcassona dins l’encastre del Total Festum.
Amb los musicians de Du Bartàs, los escolans an descobèrt cossí s’elabòra lo trabalh de la creacion artistica dins sas diferentas estapas: collectatge d’una vièlha cançon populara, trabalh sul ritme e la polifonia, practica instrumentala, trabalh en estúdio, rodatge del clip. En mai d’aquò, es l’ocasion pels escolans d’abordar de manièra concreta l’escambi de las culturas, en aqueste cas la maugrabina e l’occitana, mentre que se promòu la fraternitat entre las culturas e l’alteritat.
Amb los musicians de Du Bartàs, los escolans an descobèrt cossí s’elabòra lo trabalh de la creacion artistica dins sas diferentas estapas: collectatge d’una vièlha cançon populara, trabalh sul ritme e la polifonia, practica instrumentala, trabalh en estúdio, rodatge del clip. En mai d’aquò, es l’ocasion pels escolans d’abordar de manièra concreta l’escambi de las culturas, en aqueste cas la maugrabina e l’occitana, mentre que se promòu la fraternitat entre las culturas e l’alteritat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Es pas de creire cossí un comentari suau se pòt trucar sus l'islamolatria capborruda. tantes negatius per una remarca senada e sustot veraia. Caldrà lèu ajustar de dessens de floretas e de parpalhòls per aver drech a dire 4 vertats. Ardit, l'òme, que cal pas daissar la pensada unica nos negar!
#10 Un talhièr cosina ? Pòt èsser complicat. Nosautres manjam tot çò lor (e avèm plan rason d'o far), mentre qu'eles manjan pas tot çò nòstre. Es un punt de separacion màger, e s'amaisa pas. Los faches son caputs, coma se ditz dins ma lenga mairala. Bon coratge.
#10 E ben lo talhièr Cercle Occitan del País de Carcassona s'engana atanben.....
La cosina del Magreb e de l'orient mejan son plan desvaridas l'una de l'autra çaquelà !
#9 e ben òc ! Los occitans an fach coma los franchimands
Per afavorir los escambis culturals, lo Cercle Occitan del País de Carcassona es tanben implicat dins lo projècte Arab'Òc per l'animacion d'un talhièr-cosina.
E lo paure Voltaire sembla plan d'aver atudat los Lums !
#5 Es çò qu'anavi dire: e lo berbèr? A desaparescut assimilat per l'arab coma nosautres pel francés? Que los francimandejaires e autres jacobins ignoren l'amazigh es quicòm mas que los occitans fagan parièr, aquò passa l'òsca. Doncas coma ditz lo Gèli, cal veire se aquò de l'arab correspond al mens a una realitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari