Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Una emission de Radio Canada sus la Val d’Aran e la defensa de son identitat a ganhat lo prèmi Pica d’Estats 2017

Lo guierdon toristic de premsa, ràdio, television e Internet, l’autreja la Deputacion de Lhèida

| Myriam Fimbri / Radio Canada
La Deputacion de Lhèida ven d’autrejar lo 27n prèmi Pica d’Estats, un guierdon toristic de premsa, ràdio, television e Internet qu’a un montant total de 38 000 èuros. Demest los laureats, soslinham lo prèmi al melhor trabalh de ràdio, qu’amb sos 5000 èuros es anat a la jornalista quebequesa Myriam Fimbri de Radio Canada per son emission entitolada “Le Val d’Aran à la défense d’une langue et d’une identité” (la Val d’Aran a la defensa d’una lenga e d’una identitat).
 
L’emission premiada se centra sus la singularitat de la Val d’Aran e sus la lenga occitana. Explica que las institucions e las gents del país an sauput defendre, preservar e promòure lor patrimòni cultural e istoric, e mençona especialament l’educacion en occitan dempuèi l’escòla mairala.
 
Podètz trobar lo reportatge de Myriam Fimbri sul sit web de Radio Canada.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article