Bandièra01 1180x150: Comuna de Tolosa

Actualitats

crotz-tolosaCreated with Sketch.LemosinLemosinPaís de Tula

Comença dimecres la segonda edicion del festenal Balad’òc Tula

Amb la tòca de far descobrir la cultura e la lenga del país, lo festenal prepausa un programa plen de projeccions de cinèma e de documentaris, d’exposicions, de conferéncias e de concèrts

Comença dimecres que ven la segonda edicion del festenal Balad’òc Tula, qu’après lo succès de l’an passat, arriba amb mai de vam que jamai. Lo festenal de las expressions occitanas del Bas Lemosin e del Naut Carcin es organizat per la comuna e prepausa, fins al 3 de junh, un programa plen de projeccions de cinèma e de documentaris, d’exposicions, de conferéncias e de concèrts.
 
Un documentari de l’IEO Lemosin sul comunisme rural inaugurarà l’eveniment, que tanben i intervendrà lo jove realizaire Amic Bedel, sus la creacion audiovisuala en occitan.
 
De soslinhar los concèrts d’Uèi e San Salvador, e Sebatien Farges e d’autres artistas locals que cantaràn en occitan per l’ocasion.
 
Del costat literari se torna metre en valor la produccion locala dempuèi Bernat de Ventadorn fins al canonge Roux e Marcela Delpastre.
 
“Emb aqueu segond festenau volem butir endavant l’èime de la ciutat tulauda per valorizar, far descobrir o tornar far descubrir la cultura e l’occitan de Lemosin, en nos apiejant sus las fonts seguras de la civilizacion portada per los Trobadors que Lemosin n’es lo brèç e lo floron”, çò ditz Josiana Brassac-Dijoux, adjoncha al cònsol encargada de l'environament.
 
“La transmission d’aquela lenga a las generacions avenidoiras es dau domeni d’una responsabilitat collectiva tras la valorizacion dau patrimòni materiau e immateriau. Nòstres objectius son ben de s’inscriure dins una dinamica europèa, de dobrir bèu nòstras pòrtas sus lo monde, d’avisar aqueu monde dins tota sa diversitat e qu’aqueu nos avise dins nòstras especificitats”, çò apond.

 
 
 
Sit web de la comuna sul festenal
Sit Facebook de l’eveniment
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pjm pjm
3.

dens lo temps 4, benlèu los festenaus e totas las animacions occitanistas se sentiràn pas obligada d'aqueths jòcs de mot damb "'òc"...

  • 1
  • 5
Lo raiòu Cevenas
2.

Vòle felicitar Jornalet per aveire publicat de novèlas dau país d'amont, dau Naut País d'Òc, dau País Montanhòu ! Gra-me-cí ! Contunhatz quand atrapatz de datas coma aquò : per Lemosin, Auvèrnha, Daufinat. Los oblidessiam pas e nos oblidèsson pas : sèm de la mema familha, amai se volèm e devèm gardar nòstras particularitats.

Per quant a la conclusion de l'article e au comentari dau sénher Cairon : completament d'acòrdi ! Es aquò que deu entrincar lo "Temps 4" de l'occitanisme. Chanut ! Me fai gaug de legir qu'a Tula o enquicòm mai, de monde comprenon que chau tornar pensar las vièlhas recèptas per pas s'encrostar. Perque la vida es movement e que tot es liat.

  • 10
  • 0
Gerard Cairon Florentin d Albigés
1.

Fòrt senada conclusion. Cresi que se volèm avançar e far venir amb nosautres de monde conscients de las novèlas questions globalas sul devenir de la planeta, mas pauc sensibilisats al nòstre combat ( per divèrsas rasons- e, entre autras, la d'aver pas de ligam afectiu fòrt amb la lenga) , nos cal , de longa, quichar sus l'articulacion d'aquel combat amb la lucha globala per la defensa de la " culturòdiversitat "de la planeta- lucha parallèl (-emai siague diferenta), amb aquela de la defensa de la biòdiversitat.
Lo dever de coerencia intelectuala de cadun, que vive en Amazonia, al Tibet, en Cabilia, en Occitània, es de sosténer primier localament la lenga e cultura menaçadas de l'endrech ont viu. Aquò fasent, farem tanben avançar los autres... me sembla.

  • 9
  • 0

Escriu un comentari sus aqueste article