Bandièra01 1180x150: Comuna de Tolosa

Actualitats

Los Estats Units quitan l’acòrdi de París que voliá arrestar lo cambiament climatic

Ara lo país s’engatja pas pus a reduire las emissions entre un 25% e un 28% abans 2025

| @RedTRaccoon
Lo president dels Estats Units, Donald Trump, anoncièt ièr de ser que son país se retirariá de l’acòrdi de París de 2015 que voliá arrestar lo cambiament climatic. Aquela decision daissa los Estats Units al marge del consens mondial, amb Nicaragua e Siria, que son los dos sols païses qu’avián pas signat l’acòrdi environamental. La diferéncia es que los Estats Units son, après China, lo país qu’emet mai de gases amb efièch de sèrra (lo 18% del total mondial), mentre que las emissions de Nicaragua e de Siria ensems ne representan solament lo 0,24%.
 
L’argument de Trump per justificar sa decision es que vòl reacticar qualques sectors industrials dels Estats Units, mai que mai lo sector minièr. Mas qualques analistas creson que lo nòu president a l’obsession d’escafar tot lo legat de Barack Obama. Per aquela rason, sembla que Trump pensa pas de complir cap dels engatjaments del president anterior, e doncas, la partença de l’acòrdi de París se farà còp sec sens respectar la procedura pachada, que se deuriá far dins un relambi de tres o quatre annadas.
 
Ara los Estats Units s’engatjan pas pus a reduire las emissions entre un 25% e un 28% abans 2025. Mas de tot biais Trumpa aviá ja entamenat de politicas qu’empedissián, en practica, de complir aquestes engatjaments.
 
 
Qualques grandas vilas e societats son contra la decision de Trump
 
Qualques societas an anonciat una revòlta contra la decision de Trump. De corporacions coma Dow Chemical, ExxonMobil e Unilever an demandat publicament a Trump que quite pas l’acòrdi de París. E Elon Musk, fondador de Tesla e SpaceX, a anonciat que demissionarà de totas sas cargas coma assessor del govèrn dels Estats Units. Las grandas societats tecnologicas an tanben anonciat de mesuras contra las politicas de Trump.
 
Lo cònsol de Nòva York a prepausat que sa comuna signe los acòrdis de París e a avertit qu’aquela decision es una ataca contra lo còr de la vila, en fasent allusion de la situacion que la subirà Manhattan se puèja lo nivèl de la mar. Tanben los governants de la vila de Boston e de l’estat de Califòrnia an anonciat que faràn fàcia a la decision de Trump.
   



abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jig
6.

S’apren pas a la saviesa trumpesca se vòu costar temps de sortir de l‘acòrd. Eth medish qu’a anonciat qu’èra efectiu de tira. Auré mentit, o desparlat lo Trumpidor?
Qu’a quitat l’acòrd tà tornar obrir las minas de carbon, e finaument lo son cap conselhèr en economia qu’a anonciat que ne las obriren pas. Auré mentit, o desparlat lo Trumpident?
La premsa, las cancelerias e las opinions l’aiman pas pr’amor qu’ei un mensongèr patologic, un escròc confirmat, un agressor sexuau qui ne s’empervau, un mahutre en tot cap e un pèc fenit e arrefenit.
A penas esvalisat lo hum deu mei recent atemptat de Londres, hòp! lo Trumpidàs cercar bregas au cònsol Sadiq Khan sus Tweeter. Com ne pas véder la baishessa d'aqueth òmi? Aquí l’alh dab los trumpistas : enqüèra quan e’us raubaré la hilha tà la véner a Daesh, que’u trobarén ua bona excusa e que’u laudarén.

  • 0
  • 1
francesc palma
5.

Lo de sortir del tracta qu' ha dit Trump, no es farà efectiu fins d'aquí a quatre ans, e aquò ho diu pas la premsa occidentala que es rabiosament anti Trump. Lo que vol Trump es renegociar lo tractat.

  • 0
  • 1
Jig
4.

#3 :D
https://www.youtube.com/watch?v=QJ1koU26aeY

  • 0
  • 0
Guilhèm Thomas Tolosa
3.

Es una decision un pauc covfefe.

  • 1
  • 0
E Passa Que T Ai Vist Lo Clapàs (Montpelhièr)
2.

En parafrasant l'Irlandès Eamon De Valera que disia " All bad for England is good for Ireland", ieu diriai : Tot çò qu'es marrit per Paris es bon per Occitània ! Levat aquesta galejada (plan sentida) , es clar que sèm mau barrats !!

  • 2
  • 0

Escriu un comentari sus aqueste article