Bandièra01 1180x150: Comuna de Tolosa

Actualitats

Tolosa aculhirà lo 24 de junh que ven la Fèsta d’Occitània amb San Salvador, Alidé Sans e Moussu T

La fèsta se tendrà dins l’encastre del Total Festum e es organizada per Convergéncia Occitana en partenariat amb lo Casal Català de Tolosa

Lo 24 de junh que ven, jorn de Sant Joan, Tolosa aculhirà la Fèsta d’Occitània amb una tièra d’eveniments dont una demostracion de castellers catalans e una iniciacion a la Sardana e un concertàs de San Salvador, Alidé Sans damb banda e Moussu T e lei jovents.
 
La fèsta se tendrà dins l’encastre del Total Festum e es organizada per Convergéncia Occitana en partenariat amb lo Casal Català de Tolosa.
 
La fèsta vòl sustot festejar Occitània tota “un airal que s’estend de Niça e del Piemont italian fins a las còstas landesas, de las ribas de la Mediterranèa fins a las montanhas d’Auvèrnhe”, çò precisan los organizaires qu’an causida aquela data simbolica “perque Sant Joan e sos fuòcs de jòia que saludan lo solstici d’estiu son totjorn estas festejats dins los païses d’Òc e en Catalonha”. Dins aquel sens, los organizaires precisan que la data es idonèa per “illustrar la proximitat e los ligams prigonds amb la cultura catalana”.
 
Per presentar l’eveniment, se tendrà diluns que ven una conferéncia de premsa a 11h a l’Ostal d’Occitània de Tolosa. Per mai d’informacion, podètz consultar lo dorsièr de premsa çai jonch.
 
 
Un mes de junh per festejar lo país
 
E mai s’Occitània a pas definida una data per fèsta nacionala, es en junh que mai se festeja lo país.
 
Dimenge que ven, Aran festejarà sa fèsta nacionala, en commemorant la restauracion del Conselh General lo 17 de junh de 1991, 151 ans après son abolicion per las autoritats espanhòlas. E es justament aquela data que la còla de la Republica Federala d’Occitània reten per festejar lo país, e ongan o faràn a Levenç (Costièra Niçarda).
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ES DE MONGE ARRO VAL D´ARAN
2.

BONA FESTA DE SANT JOAN..... I DISFRUTEU AMB ELS MOUSSU T ....

  • 0
  • 0
Pirolet
1.

Òsca! Bona fèsta de Sant Joan a totes! E bona capitada a Total festum!

E se i a qualque Alacantí que legís lo Jornalet, bona cremá a la plaça de l’Ajuntament.

  • 0
  • 0

Escriu un comentari sus aqueste article