Bandièra01 1180x150: Comuna de Tolosa

Actualitats

Marselha: vòlon salvar los vestigis istorics de Sant Victor

La comuna es pas favorabla a la conservacion de la descobèrta, una peirièra grèga de mai de 2500 ans

| Made in Marseille
De marselheses vòlon gardar los vestigis istorics desenterrats dins lo quartièr de Sant Victor, al costat de l’abadiá que balha lo nom al quartièr. Los trabalhs de construccion d’una bastissa de lotjaments ne permetèron la descobèrta a la fin d’octòbre, çò que menèt a arrestar còp sec los trabalhs. S’agís d’una anciana peirièra grèga de l’an 500 abans lo Crist, de grand interès per conéisser l’istòria de la Ciutat Focèa.
 
Mas l’ostal de la comuna es pas favorabla a la conservacion de la trobalha, perque l’urbanisme seriá la prioritat. E qualques marselheses se son mobilizats, çò rapòrta Made in Marseille.
 
 
“Lei dessotas dau progrès" a l’Ostau dau País Marselhés
 
Dins aquela dralha, l’Ostau dau País Marselhés (OPM) prepausa per dijòus que ven, dins la darrièra serada cineclub d’ongan, una redescobèrta de Marselha a travèrs de diferents extraches de documentaris e d’archius compilats per la còla de l’OPM, regropats en tres partidas.
 
Amb aquel documentari cèrcan d’entamenar una reflexion a l’entorn de las politicas d’urbanisme a Marselha dempuèi la destruccion del quartièr de Sant Joan fins als darrièrs grands trabalhs “qu’a coneguts —o patits—“ la Ciutat Focèa.
 
Aquel cineclub deu pas èsser una serada testimoniatge, mas menar al debat.

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mala Tèsta
4.

A Tolosa, del temps del filh Baudis a lo'stal de la comuna, los vestigis del temps visigotics, tre qu'identificats, los te fotèron pel sòl en mens de doás, al tractopala, viste fait e plan fotut. Ne vòles, de cultura ? Tot aquò que par far far moneda a una sola persona que vendiá dapartaments nòus dins un ensemble arquitectural sense amna. La proprietat privada nos priva ottes de çò qu'an un o un autre. Aquí la pròba !

  • 3
  • 0
francesc palma
3.

Cal lutar per la conservacin del patrimoni. Los de la municipalitat se vei que son uns grans d' ignorants que no saben pas res e que tirarien los monuments per far amburguesserias, cagadors e edificis per far congreses per cobrar lo 5% de las comissions dels grans afar inmobiliaris..

  • 2
  • 0
Lo raiòu Cevenas
2.

Fan de lop ! De vestigis grècs a Marselha : crese pas que n'i a ague fòrça...
Francament, se fai temps de sortir d'aquela sobrurbanizacion estofanta e laidassa. E se a besonh de sòus tant qu'aquò la comuna de Marselha, a pas que d'estauviar e d'envestir la moneda entelligentament. Quant d'argent mau plaçat, gastat per bien de comunas dinc un molon de causetas mau pensadas, mau carculadas. Ai, ai, ai... ! Ciutadans de'n pertot, aigrejatz-vos e anatz espolsar vòstres elegits, que se responsabilizon !

  • 2
  • 0
Donacian Auvèrnhe
1.

Quora comprendrán que l'argent se minja pas ?
Gaitatz-màs aquelh filmonet “L'arma de la viala” ➡️ https://vimeo.com/220775916

  • 1
  • 0

Escriu un comentari sus aqueste article