“Lo rugbi de 13 es lo melhor!” es una frasa clau del palhassa Tinhassa, l’eròi de Las Olimpiadas de Tinhassa, pèça jogada pel Teatre de las Originas dins l’encastre de las Encontradas 2017 que clavavan lo projècte pedagogic occitan dins l’Acadèmia de Montpelhièr. Uèit milierats de mainatges an ausit aquesta frasa, supèrbament mesa en scèna amb dinamisme e inventivitat per las quatre artistas.
Mas per las esquipas occitanas e catalanas aquesta dimenjada de Sant Joan foguèt pas de tot repaus.
Marridas èrbas de Sant Joan
L’arribada de l’entraïnaire anglés Mac Namara e lo retorn de cèrts jogaires a pas menat a un electrochòc bèl e los Dragons an perdut cò dels Lops de Warrington: 24-16. Son ara 10ns al classament: adieu, lo Super 8! Objectiu en baissa: acabar 9ns o 10ns per reçaupre 4 còps e se desplaçar 3 dins la pola de qualificacion per la Superliga de 2018. La recepcion dels Centurions de Leigh aqueste dissabte 1r de julh a Brutus e una victòria permetriá de daissar enrè un concurrent dirècte dins aqueste afar.
Castleford perseguís la corsa en cap amb una victòria a Leeds: 23-12.
Lo Tolosa Olimpic lisa a la quatrena plaça del Championship aprèp una desfaita cò dels Dewsbury Rams: 34-22. Novèl desplaçament del costat d’Oldham aqueste dimenge abans la recepcion importanta d’Halifax lo 8 de julh a Blanhac; Halifax es a egalitat de punts amb Tolosa. E coma i aurà quatre qualificats!
L’esquipa de França femenina rescontrava dos còps las anglesas al Barcarès: dimècres, dominadas dins lo primièr temps (22-4), las Blavas faguèron un melhor segond temps per tornar a 26-16. Dissabte, tornèron opausar una bèla resisténcia mas perdèron un còp de mai: 14-8.
Costat Dragons, cal soslinhar la bona performància dels U-19 que van ganhar a Warrington 26-16 e demòran dins lo quatuor de cap: benlèu las mièjas finalas pels Dragonets!
A Lesinhan, consequéncia de la dobla desfaita en finalas de la Copa e del Campionat: los dirigents an decidit de se separar de l’entraïnaire Cologni aprèp 10 ans passats en Corbièras.
La tresena partida serà decisiva
En Austràlia, dimècres a Sydney se jogava lo segond Estats d’Origina de la sason, dins un estadi ont demorava pas una plaça de liura: Sold Out... Aprèp la desfaita (28-4) de Brisbane, Queensland aviá cambiada la mitat de la formacion. La partida foguèt de naut nivèl e sarrada. Queensland marquèt un ensag de la 78a minuta. Lo dobertura Thurston lo transformèt: 18-16 e la Nòva Galas del sud perdèt! La partida de Brisbane lo 12 de julh serà doncas decisiva per saupre lo venceire de la sason.
Marrida novèla: Jonathan Thurston ne serà pas e jogarà pas tanpauc la Copa del Mond, que se va faire operar de l’espatla.
Alan Roch
Mas per las esquipas occitanas e catalanas aquesta dimenjada de Sant Joan foguèt pas de tot repaus.
Marridas èrbas de Sant Joan
L’arribada de l’entraïnaire anglés Mac Namara e lo retorn de cèrts jogaires a pas menat a un electrochòc bèl e los Dragons an perdut cò dels Lops de Warrington: 24-16. Son ara 10ns al classament: adieu, lo Super 8! Objectiu en baissa: acabar 9ns o 10ns per reçaupre 4 còps e se desplaçar 3 dins la pola de qualificacion per la Superliga de 2018. La recepcion dels Centurions de Leigh aqueste dissabte 1r de julh a Brutus e una victòria permetriá de daissar enrè un concurrent dirècte dins aqueste afar.
Castleford perseguís la corsa en cap amb una victòria a Leeds: 23-12.
Lo Tolosa Olimpic lisa a la quatrena plaça del Championship aprèp una desfaita cò dels Dewsbury Rams: 34-22. Novèl desplaçament del costat d’Oldham aqueste dimenge abans la recepcion importanta d’Halifax lo 8 de julh a Blanhac; Halifax es a egalitat de punts amb Tolosa. E coma i aurà quatre qualificats!
L’esquipa de França femenina rescontrava dos còps las anglesas al Barcarès: dimècres, dominadas dins lo primièr temps (22-4), las Blavas faguèron un melhor segond temps per tornar a 26-16. Dissabte, tornèron opausar una bèla resisténcia mas perdèron un còp de mai: 14-8.
Costat Dragons, cal soslinhar la bona performància dels U-19 que van ganhar a Warrington 26-16 e demòran dins lo quatuor de cap: benlèu las mièjas finalas pels Dragonets!
A Lesinhan, consequéncia de la dobla desfaita en finalas de la Copa e del Campionat: los dirigents an decidit de se separar de l’entraïnaire Cologni aprèp 10 ans passats en Corbièras.
La tresena partida serà decisiva
En Austràlia, dimècres a Sydney se jogava lo segond Estats d’Origina de la sason, dins un estadi ont demorava pas una plaça de liura: Sold Out... Aprèp la desfaita (28-4) de Brisbane, Queensland aviá cambiada la mitat de la formacion. La partida foguèt de naut nivèl e sarrada. Queensland marquèt un ensag de la 78a minuta. Lo dobertura Thurston lo transformèt: 18-16 e la Nòva Galas del sud perdèt! La partida de Brisbane lo 12 de julh serà doncas decisiva per saupre lo venceire de la sason.
Marrida novèla: Jonathan Thurston ne serà pas e jogarà pas tanpauc la Copa del Mond, que se va faire operar de l’espatla.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari