Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Carcassona: lo Sirventés d’Estiu parla del País

Una fotografia de la mòstra Mond de la Vinha de Patrici Bacon
Una fotografia de la mòstra Mond de la Vinha de Patrici Bacon
A l’Ostal Sirventés (79 la Trivala, Carcassona), l’IEO d'Aude e lo Cercle Occitan del País de Carcassona presentan, del 3 al 14 de julh, lo Sirventés d’Estiu de 2017:
 
— Diluns 3 de julh, 18h30: estrena de la mòstra Mond de la Vinha (fotografias de Patrici Bacon; presentada fins al 14/07, del diluns al divendres, 15h-19h). Amb son uèlh agut, lo fotograf mòstra cossí la vinha marca dempuèi de sègles e de sègles la vida dels lengadocians. Corina Lhéritier presenta la version occitana dels Ignorants, un libre que teis los ligams improbables entre un vinhairon e un dessenhaire.
 
— Dijòus 6 de julh, 18h30: Joan Guilaine parla dels Contes populaires des Corbières. Entre 1960 e 1980, Cristiana e Joan Guilaine faguèron en Corbièras lo recampament de plan de contes populars. Joan Guilaine presentarà aquesta culhida, objècte d’una parucion recenta (ed. Jmdesbois).
 
— Diluns 10 de julh, 18h30: Alan Roch legís qualques "Papieròts menerbeses" e signa En pagina 3. Alan Roch legirà qualques unas de sas cronicas  "Papieròt menerbés" paregudas en 2015 et 2016 dins La Semaine du Minervois e recampadas dins la rejoncha En pagina 3.
 
— Dijòus 13 de julh, 18h30: rescontre culinari Ratatolha e Chichomèia. Caduna e cadun pòt presentar sa preparacion de ratatolha, chichomèa, piperada, caponata. Escambis e discussions a l’entorn de plats estivencs de la mar nòstra (per s'inscriure: 04.68.25.19.78 o ieo11@ieo-oc.org ).
 
Manifestacion sostenguda per la comuna de Carcassona, lo conselh departamental d’Aude, lo conselh regional d’Occitània e l’Ofici Public per la Lenga Occitana. Manifestacion a gratis.
 
 
 
 
Mirèlha Braç

 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pujol miquèu aurelhan
2.

Que vòli èster deths vòsti, mes que som vengut allèrgic aras causidas ideologicas incontroladas !

Se volem sauvar çò qu'èm, siem çò qu'èm, pas mes ! Eths que vòlen que'm comprenen!

"Le chiffre de mas ans a passé quatre-vingts" (Booz endormi, Hugo), e de cinq bonas !

N'ei cap ua rason, mes de còps que vié tard Sapiesa !

  • 0
  • 0
francesc palma
1.

Segur que temdrà molt d'exit la ratalulha,la chichumea, la piperada, e la caponata. A Mallorca tamben fan concursos de "trampó" qu' es una amanida (ensalada) a base de tomàtiga, pebre verd, olives trencades, trempat amb oli i sal, molt bo l'estiu. E també lo pa amb oli: Que son llesques de pan pagès, amb tomàtiga talhada o fregada i un bon raig d'oli d'oliva e sal. Prenent la fresca amb l'amor de la teva vida.

  • 0
  • 0

Escriu un comentari sus aqueste article