CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimenge, 23 de julhet

Actualitats

Dissabte, 8 de julhet de 2017, 03h00 Reportatge,Lenga,Escòla,Cultura

Guiana > Agenés > Naut Agenés

Ua setmana d’immersion a Vilanuèva d’Òlt


Comentaris 12 comentaris    
Marrit Flac Bon Plan bon Fabulós (3 vòtes)
carregant En cargar


Despuish 43 ans, l’Escòla Occitana d’Estiu que permet a ahuecats de la lenga nosta d’estar en immersion pendent ua setmana entà apregondir las lors coneishenças. Vaduda ua institucion, lo nombre d’estagiaris a l’escòla d’Òlt e Garona non dèisha d’aumentar dab las annadas.


Bernat Vernhièras guida una classa d’occitan lengadocian
© EOE 2016





Etiquetas
eoe, la setmana, lartigot

L’Escòla Occitana d’Estiu (EOE) qu’estó apitada en 1976 per tres occitanistas: Marcèu Esquieu, Crestian Rapin e Joan Rigouste. Despuish 2009, l’associacion qu’ei vaduda la seccion departamentau de l’Institut d’Estudis Occitans. Qu’organiza cors de lenga nosta taus adultes en Òlt e Garona (Agen, Cocumont, Marmanda...). L’associacion que ven dens la soa botiga de Vilanuèva d’Òlt libes dab lo diccionari francés/occitan de Cristian Rapin e lo Lexic Tot en Un occitan/francés e francés/occitan de Joan-Claudi Sèrras, CD dab los darrèrs albums de Vox Bigerri, la Talvera o Du Bartàs e DVD com Lo Gruffalò e Kerity, l’Ostal dels contes. L’EOE/IEO qu’ei tanben un centre de ressorsas documentàrias. Que podetz tornar trobar documents àudio e escriuts estudiats pendent estagis d’ivèrn o d’estiu: arreviradas, arreproèrs, cantas e tèxtes de conferéncias. Mes l’associacion qu’ei vaduda ua institucion dab l’eveniment que perpausa cada annada despuish 43 ans: la soa Escòla Occitana d’Estiu.
 
Que s’engatja a ensenhar la lenga e a desvolopar la soa utilizacion dab estagis, conferéncias, projeccions de filmes e talhèrs pendent ua setmana au mes d’agost. Los mainatges de 5 a 9 ans que son pres en carga cada dia a “L’escoleta d’estiu” e los joens de 10 a 16 ans a “L’escòl’ados”. Atau, los dròlles que s’amusan e qu’aprenen capvath activitats manuaus, artisticas, ludicas e esportivas. Los joens qu’averàn talhèrs a l’entorn deu vidèo. Que realizaràn un filmòt sus la basa d’un scenari e un filme d’animacion dab ustilhs numerics. Las lors creacions que seràn presentadas a la serada deus estagiaris lo dijaus de ser. Lhèu tà ua possibla difusion sus ua webtèle occitana (dab l’acòrd de las familhas plan segur)? L’EOE qu’i sosca.
 
Patrici Gentié que hè partida deus organizaires de l’Escòla despuish un vintenat d’annadas. Que participè a la purmèra edicion mes “sonque tà véder los espectacles”, abans de s’inscríver tà seguir cors. “Tà la 43au edicion, que i a tostemps la partida classica, l’escòla, conferéncias e divèrs talhèrs mei que mei sus la toponimia mes tanben sus la cultura e la lenga catalanas, çò’nse digó. Que i a ua delegacion deu CAÒC (Cercle d’Agermanament Occitano-Català) qui perpausa cada annada un talhèr. La serada deu divés de ser que’s ditz d’aulhors “serada occitanocatalana”, pr’amor que mian un grop”.
 
Taus adultes, cada dia, cors de lenga de tres dialèctes (lengadocian, gascon e lemosin). “Qu’avèvam a ua epòca un talhèr interdialectau qui permetèva a monde de confrontar lo lor dialècte e de parlar amassa e atau facilitar l’intercompreneson deus dialèctes, çò digó Patrici Gentié, mes que l’avem estancat pr’amor qu’avèvan l’escadença d’escambiar en dehòra deu cors”.
 
Talhèrs que seràn perpausats lo vrèspe e los estagiaris qu’averàn la causida enter divèrs tèmas com ua iniciacion a la toponimia, conversacion “escotar e tornar díser”, lo conde, la literatura orau, los mites, la descobèrta deu país “dens las peadas de l’istòria”, etc.
 
Que poderatz causir enter divèrs tèmas de conferéncias cada dia, dus a tres proposicions sus l’actualitat, la literatura o enqüèra l’istòria. Cada ser, ua animacion musicau qu’ei perpausada. Augan, Jean-Marc Leclercq que jogarà lo 14 d’agost lo son espectacle “A cappelloop”. Shens nat instrument, sonque la soa votz e clacats de las soas mans e dits, e ritme a la boca, que auhereish composicions e sons loopings vocaus pendent ua serada pleada de poesia. Camille en Bal e Bric a Drac que seràn cargats de har bolegar los aprenents los autes sers! Dimèrcs 16 d’agost, lo documentari Era Hèsta deth Pòrc de l’Ostau Comengés que serà projectat au licèu de la vila. Lo filme que serà seguit d’escambis e d’un bal.
 
En mejana, l’Escòla Occitana d’Estiu qu’arcuelh enter 120 e 150 estagiaris la setmana. Que son nombrós los qui tornan d’ua annada a l’auta tà complir lo lor nivèu d’occitan. “Que coneishi ua gojata de 25 ans qui despuish l’atge de 6 ans n’a pas mancat mei d’ua o duas Escòlas Occitanas d’Estiu. E los sons pairs ne son quitament pas dens lo mitan o dens l’associacion! (arríders)”, çò’nse hidè Patrici.
 
L’ajust de dus estagis especializats qu’auré interessat drin mei de monde segon los organizaires: la canta tradicionau e la formacion aus Temps d’Activitats Periescolaras (TAP). Los diluns e dimars, un cors de canta tradicionau a dança qu’ei d’ara enlà animat per Pèire Boissière. Compositor, condaire e formator en canta, Sénher Boissière qu’ei vadut ua referéncia en matièra de canta d’inspiracion tradicionau en Occitània. Qu’estó format dab cantaires e cantairas qu’encontrè mercés a enquèstas a comptar de 1975 en Auvèrnhe o enqüèra en Gasconha. Uei lo dia, que canta tradicionau a dança mes tanben musica deus trobadors, catalanas e deus poètas de lenga d’òc que hiquè en musica. Los dimèrcs, dijaus e divés de la setmana de l’EOE, ua formacion que serà dispensats taus animators de TAP entà’us balhar los elements e poder assegurar ua iniciacion a la lenga e a la cultura occitanas dens las escòlas.
 
 
 
 
Fanny Lartigot
 


Inf.: Escòla Occitana d’Estiu, 16 carrièra de Pujols - 47300 Vilanuèva d’Òlt
www.eoe-oc.org, Tel.: +33(0)5 53 41 32 43; eoe(a)wanadoo.fr
 
 
 
Aqueste article es estat publicat dins La Setmana, amb qui Jornalet ten un acòrdi de cooperacion.
 

 


abonar los amics de Jornalet
 



publicitat



Comentaris

9 de julhet 23.42h

Hi som estat fa mai de vint ans, un record per pas oblidar.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

9 de julhet 19.45h

#10 L'espèr fa viure.


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

9 de julhet 16.49h

Occitània es un sièti :
. d'un costat los de l'artilheria gròssa que bombardan cada jorn, tota la santa jornada, shens ces ni pausa.
. de l'aute costat , los assietjats que se defenden com pòden , damb cotèths, coteràs pèiras , artilheria pichona a còps.
700 annadas que lo sièti se perlonga .
N'es pas un prat batalhèir , un contra un , on se poiré héser au cintèir , leiaument o quitament un David contra un Goliath.
Adara los poderos arroinan las mura... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

9 de julhet 07.56h

"dels problèmes de l'occitanisme es de pas aver pogut convéncer los Occitans" e es totjorn lo problèma mager.
Lo problèma mager es a dos nivèls, tornar fa parlar los que coneisson la lenga... mas ambe qual ?
Balhar lo gost d'aprener la lenga als occitans desoccitanizats.

L'occitanisme a fa mèca..... a-n-aqueles dos nivèls ...

La question es per de qué ? E aqui cal arrestar d'anar recaçar lo per de qué ençò dels autres, amai s'an una responsabilitat, la primièra responsabilitat es... Legir mai


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

8 de julhet 19.14h

#7 Avètz rason dinc totes los detalhs de vòstre comentari. Malerosament per nautres...


Valoriza aqueste comentari:   votar positiu 25   votar negatiu 0
Respondre comentari replica Comentari inadeqüat   Formulari d'abús de comentari

8 de julhet 18.27h

#4 Desesper, quora nos tenes! Existis, existis pas ... E se fasèm de psicologiá, cal pas doblidar qu'un verb seguit d'una negason pòt ésser una denagason. Dire "eisistis pas" es una referença coma una autra a eisistença.
I a de causas qu'eisistísson. De causas materiales (una lenga, un territori), d'autras mens (un esper, un desig de véser lo païs e la lenga viure, un biais de pas partejar las evidencias de plan de monde).
Un dels problèmes de l'occitanisme es de pas aver pogut conv... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

8 de julhet 18.27h

#4 Desesper, quora nos tenes! Existis, existis pas ... E se fasèm de psicologiá, cal pas doblidar qu'un verb seguit d'una negason pòt ésser una denagason. Dire "eisistis pas" es una referença coma una autra a eisistença.
I a de causas qu'eisistísson. De causas materiales (una lenga, un territori), d'autras mens (un esper, un desig de véser lo païs e la lenga viure, un biais de pas partejar las evidencias de plan de monde).
Un dels problèmes de l'occitanisme es de pas aver pogut conv... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

8 de julhet 17.29h

#4 Au fons d'eles, o savon pro lo monde que disètz vrai. Mès n'i a qu'o vòlon pas entendre. Es per aquò que ieu, comence de faire lo dòu de ce que, de joine, me serviguèt per bastir mon identitat. Ne'n pòde pas mai de refusar l'evidença que pasmens vive chasca jorn : la desparicion completa dinc la familha ja e per l'espaci public de la lenga o de sa musicalitat. Tot ce que vese d'aqui enlai au torn de ieu rebat lo multiculturau o l'americanizat. Tot ce qu'entende d'aqui enlai au torn ... Legir mai


Valoriza aqueste comentari:   votar positiu 34   votar negatiu 1
Respondre comentari replica Comentari inadeqüat   Formulari d'abús de comentari

8 de julhet 11.58h

#2 "Enfin poder créser qu'Occitània existis per de vrai !" Es doncas la pròva qu'existis pas, verai ?
Es coma lo mond que s'acampan desguisats en Jedi e Dark Vador amb espadas de lutz e tot aquò ,per poder enfin créser que son per de verai dins "Star Wars". Es tota la problèmatica de l'occitan jà puntada en son temps pel Joan Bodon : lo denèc de realitat,.

En clar òm fai "coma s'èra verai", coma s'aquò qu'existis pas existissia, coma s'aquò qu'existis pas mai existissia encara... Legir mai


Valoriza aqueste comentari:   votar positiu 34   votar negatiu 11
Respondre comentari replica Comentari inadeqüat   Formulari d'abús de comentari

8 de julhet 08.51h

Si a d'aquela escòla, i avia mas un libre a estudiar en aquesta annada, en mai de l'ensenhament de l'òc, quò seria le libre d'Alexandre Rougé : "les cathares, 700ans après -.editions du laurier". Podetz trobar sus internet tres videòs d'una ora mieja chacuna d'aquel autor sur lo site : "quantic planète- 700ans après".
Ren a dire de mai; quò es a legir o a escotar.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Catalonha e Aran: respectar la lei e lo referendum d’independéncia

Raportàvem, lo 14 de julhet passat, qu’Unitat d’Aran aviá publicat un comunicat en se manifestant contrària a la tenguda del referendum independentista del 1r d’octòbre ...
giny

Lo temps

Mapa
  • sol Agen 26 17
  • nuvols Aush 23 16
  • sol Bordèu 25 17
  • sol Briançon 22 11
  • sol Caors 24 16
  • nuvols Carcassona 22 15
  • nuvols Clarmont-Ferrand 24 14
  • nuvols Confolent 22 14
  • sol Gap 29 14
  • sol La Canau 25 17
  • sol La Gàrdia 31 20
  • sol La Torre de Pèlitz 29 19
  • nuvols Limòtges 22 14
  • sol Lo Borg Sant Dalmatz 33 19
  • sol Lo Puèi de Velai 25 13
  • nuvols Marselha 34 20
  • sol Montpelhièr 29 21
  • nuvols Naut Aran 19 12
  • sol Niça 23 12
  • nuvols Nimes 33 19
  • nuvols Pau 21 15
  • nuvols Peireguers 23 15
  • sol Rodés 24 15
  • sol Tolon 32 19
  • nuvols Tolosa 24 17
  • sol Valença 27 14

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Franc Bardòu

    Catalonha etèrna

  • Montpelhièr la lengadociana

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Omenatge a Aragon. © Franc Bardòu

    Omenatge a Aragon

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Franc Bardòu

    Catalonha etèrna

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Franc Bardòu

    Asuèlhs Bigordans

  • © Franc Bardòu

    Coserans al còr

  • © Franc Bardòu

    Catalonha etèrna

  • Carnaval de Limós. © Franc Bardòu

    Carnaval de Limós 2013

  • © Laurenç Revèst

    Mónegue

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • País de Rasés. © Franc Bardòu

    País de Rasés

  • © Aure Séguier

    Carnaval Biarnés 2017

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)